martes, 2 set 2025
Organizada polo Organismo Autónomo de Parques Nacionais e Afundación; co apoio do Concello e Grupo Tragsa; e realizada por Lunwerg, a mostra a pé de rúa «Parques Nacionais» revaloriza o traballo de conservación realizado nestas contornas e a súa importancia para o futuro da nosa biodiversidade. En total, reúne 93 impactantes imaxes, gañadoras ou finalistas do concurso nacional de fotografía FOTOPARQUES, que nos achegan a algúns dos lugares e detalles máis sorprendentes destes espazos naturais. A exposición poderase contemplar na rúa do Príncipe ata o próximo 30 de setembro.
venres, 29 ago 2025
O rexedor achegouse esta mañá á reunión anual da empresa do sector odontolóxico Axis Dental, que nesta ocasión acolle a nosa cidade nas instalacións do Hotel Cidade de Vigo. No encontro estaban presentes representantes da empresa en toda España, aos que Caballero agradeceu a elección do noso concello e trasladoulles a importancia do seu sector para a cidadanía.
venres, 29 ago 2025
O alcalde avanzou que levará este tema ao Pleno porque está “en absoluto desacordo” coa exclusión de Vigo como sede examinadora da formación sanitaria especializada e sinala como corresponsables desta situación á ministra e ao conselleiro de Sanidade.
xoves, 28 ago 2025
O alcalde recibiu unha carta do Goberno de España asinada polo presidente, Pedro Sánchez, onde felicita ao goberno local polo plan de vivenda dotado con 11 millóns de euros. Caballero lamenta que desde a Xunta non se teña respondido á misiva na que o goberno local solicita as competencias para a construción de 1.000 vivendas en Vigo con fondos do Estado.
mércores, 27 ago 2025
O alcalde de Vigo presidiu este mércores o acto de homenaxe aos alcaldes, diputados e sindicalistas da cidade fusilados o 27 de agosto de 1936 nun acto de memoria e compromiso cos valores democráticos.
mércores, 27 ago 2025
O goberno local xa está a traballar na tramitación dos solos residencias nos que se prevé edificar 5.500 vivendas en 550.000 metros cadrados. “Ao redor de 4.000 desas vivendas terán algún tipo de protección”, afirmou o alcalde.
martes, 26 ago 2025
Abel Caballero saudou esta mañá a 3 integrantes do clube olívico, que este verán participaron nos campionatos de Europa coa selección española. Cristina Cantero exerce de adestradora do Celta e asistente na selección absoluta feminina do técnico vigués, Miguel Méndez, coa que se proclamaron subcampións de Europa. Tamén acudiron ao encontro Paula Salinas, bronce no campionato de Europa Sub-19 e Aldara Rodríguez, que se proclamou campioa de Europa Sub-16. O rexedor trasladoulles o orgullo da cidade e felicitounas polos seus éxitos deportivos.
venres, 22 ago 2025
O alcalde enviou este venres senllas cartas á ministra e ao conselleiro de Sanidade instandolles a repoñer a Vigo como sede dos exames MIR, PIR, EIR, FIR, QUIR, BIR e RFIR, tras a publicación, no BOE de onte, do listado das sedes onde se realizarán os exames de 2026 que exclúe á cidade.
xoves, 21 ago 2025
O Goberno Municipal de Vigo aprobará mañá a licitación dás obras para construír a biblioteca pública de Teis por 1.033.000 euros. Como destacou este xoves Abel Caballero “é unha edificio cunha construción arquitectónica singular”.
xoves, 21 ago 2025
A Xunta de Goberno Local aprobará mañá o expediente de contratación das obras de construción do macroparque de xogos na Finca Matías, que contará cun orzamento de 2.850.000 euros. “Será un inmenso macroparque en dúas grandes plataformas” relatou Abel Caballero.
