O luns 23 de marzo máis de 2.000 nenas e nenos de colexios públicos e concertados de Vigo participarán na décima edición do desfile da “Reconquistiña” que conflúe na Porta do Sol, segundo anunciou este xoves Abel Caballero. Apuntou que en 2025 o alumnado de 37 centros protagonizou a cita infantil da Festa da Reconquista de Vigo.
O alcalde convida á cidade a gozar deste evento musical que conta coa colaboración do Goberno local e que ofrecerá “un programa magnífico” da man da Coral de Valadares e o Grupo de Cámara Unión Musical de Valadares.
O Concello de Vigo arrinca cos preparativos da “Festa da Reconquista 2026”. Manterá aberto ata o 23 de xaneiro o prazo de presentación de solicitudes para instalar un posto de venda ambulante os días 27, 28 e 29 marzo.
O alcalde fixo resumo este luns dos case dous meses de celebración do Nadal na cidade “o máis importante que houbo nunca” facendo un balance positivo en visitas, actividade hoteleira, de restauración e de comercio.
Os taxistas da cidade poñen en marcha de novo a iniciativa solidaria que facilita ás persoas maiores o percorrido polo Nadal da cidade. O alcalde achegarase esta tarde á Porta do Sol para saudar aos 200 beneficiarios dunha acción na que participan uns 40 taxis.
O Nadal de Vigo “bate récords” cunha ocupación hoteleira dun 87% de media na fin de semana do 3 e 4 de xaneiro. Caballero valorou estas cifras tendo en conta que tradicionalmente a ocupación nestas datas apenas se achegaría ao 10%.
O alcalde presentou este mércores o oitavo encontro de rondallas da cidade que reunirá no pavillón municipal de Navia ás agrupacións de Beade, Bembrive, Valladares e Zamáns.
O alcalde recibiu a Melchor, Gaspar e Baltasar, que chegaron á cidade este luns, para repartir ilusión entre as nenas e nenos da cidade que "son os mellores e as mellores do mundo", tal e como apuntou Caballero. A Avenida de Castelao en Coia acolleu pola mañá a cabalgata estática que recibiu numerosas visitas de familias e, pola tarde, a cabalgata tradicional partirá da Praza de América, percorrendo Álvaro Cunqueiro e Camelias ata finalizar na Praza do Bicentenario. Posteriormente, o alcalde entregará as chaves da cidade ás Súas Maxestades de Oriente para facilitarlles a entrega de regalos nos domicilios vigueses.
O Concello avanza cos preparativos para recibir na cidade ás Súas Maxestades de Oriente na tarde do luns 5 de xaneiro. As nenas e nenos nacidos entre 2013 e 2017 poden participar na cabalgata como paxes reais.
O Concello avanza na organización do Entroido de 2026, que terá lugar do 12 ao 22 de febreiro, coa aprobación das bases da convocatoria pública para seleccionar as propostas dos espectáculos artísticos que terán lugar na Porta do Sol, así como en distintos emprazamentos da cidade.