O Concello de Vigo habilitará este domingo un servizo especial de lanzadeiras desde o auditorio de Castrelos ata Bouzas para facilitar os desprazamentos das persoas que, tras seguir a final do Mundial de fútbol na pantalla xigante, desexen asistir ás festas e ao espectáculo pirotécnico do barrio mariñeiro. Molotov toma esta noite Castrelos con reservas aínda dispoñibles para a platea.
O alcalde de Vigo, Abel Caballero, anunciou este luns que as reservas para o concerto de The Corrs en Castrelos sairán á venda o vindeiro xoves 23 de xullo. A banda actuará no auditorio vigués o martes 11 de agosto, ás 22:00 horas, dentro da programación musical do verán en Castrelos.
Abel Caballero sinalou que a selección “xogará en Nova York e nós apoiarémolos desde o mellor auditorio ao aire libre do mundo, en Castrelos”. O Concello manterá a pantalla xigante para seguir a final do Mundial, que se disputará o domingo 19 de xullo ás 21:00 horas, entre España e Arxentina ou Inglaterra.
O alcalde de Vigo, Abel Caballero, participou este mércores na presentación do cartel musical desta edición, na que destacou a vinculación do festival coa cidade. “O Marisquiño hoxe é unha parte profunda da identidade de Vigo, O Marisquiño é Vigo”, afirmou o rexedor. O Concello inviste 1,3 millóns de euros no evento, sendo a única administración presente no patrocinio de O Marisquiño
O Concello porá á venda o mércores 22 de xullo as reservas para o concerto que Abraham Mateo ofrecerá no auditorio de Castrelos o 7 de agosto, ás 22:00 horas. A distribución realizarase de forma presencial e en liña, repartida en dúas quendas.
O alcalde convidou á cidadanía a asistir ao auditorio ao aire libre para seguir o partido da selección española fronte a Francia, que se disputará este martes ás 21:00 horas.
O Concello porá á venda o martes 21 de xullo as reservas para o concerto que o artista portorriqueño ofrecerá no auditorio de Castrelos o xoves 30, ás 22:00 horas. Realizarase de forma presencial e en liña, repartida en dúas quendas.
Abel Caballero explicou que a partir das 20:15 horas desta tarde permanecerá aberta a zona fronte ao escenario para acceder a unha das 2.500 cadeiras instaladas con motivo do enfrontamento eliminatorio entre as dúas seleccións ibéricas.
Abel Caballero presentou este luns, coa directiva da Comisión de Festas de Santa Eulalia de Alcabre, o programa festivo organizado para os cinco días da celebración. Contará con actividades para todas as idades.
O Concello de Vigo instalará unha gran pantalla no auditorio ao aire libre para seguir o partido da selección española fronte a Portugal, que se disputará o luns 6 de xullo. A actuación infantil “La gran aventura del Pollo Pepe” programada para ese día adiantarase ás 19:00 horas para poder compatibilizar a utilización do espazo. O rexedor tamén destacou o “concertazo extraordinario” de Deep Purple con 45.000 asistentes.