Abel Caballero avanzou que a actuación, cun investimento de 178.150 euros, céntrase exclusivamente na fachada exterior co obxectivo de crear unha imaxe continua e uniforme que favoreza a integración deste ámbito nun espazo urbano de alto valor patrimonial.
O Concello destina 218.000 euros á creación de 13 murais e a recuperación doutros dous para seguir convertendo a cidade nun referente de arte urbana ao aire libre.
O barrio de Ribadavia contará cun espazo de uso cidadá na parcela municipal do “Muíño de vento”. O proxecto ten un orzamento superior aos 350.000 euros e un prazo de execución de 8 meses.
O alcalde e Carmela Silva visitaron este venres a zona onde o Goberno de Vigo desenvolverá unha intervención artística e urbana coa que a zona se converterá “nun referente en toda Europa” da man da gran muralista Lula Goce.
Abel Caballero, Carmela Silva e Ángel Rivas descubriron esta mañá o cartel publicitario da firma Domecq situado entre a rúa Policarpo Sanz e a Porta do Sol que foi restaurado polo Concello de Vigo.
O alcalde explicou que se investirán 40.000 euros para solucionar os signos de deterioración provocados polas condicións meteorolóxicas.
Abel Caballero visitou esta mañá a apertura da nova praza do Paseo de Alfonso. Explicou que "está xusto detrás da fonte que hai en fronte á oliveira e é unha zona que ata agora estaba bastante maltreita", polo que "no encontro do Paseo de Alfonso coas escaleiras que suben cara ao Concello, reformamos toda a fachada; acondicionamos a zona e, polo tanto, onde había antes uns locais bastante deteriorados, agora convertémolo nunha zona de ámbito cidadán".
O alcalde afirmou hoxe que o Concello afronta a conservación do xardín da Praza de Compostela, catalogado con protección ambiental na Lei de Patrimonio Cultural de Galicia e amparado polo novo Plan Xeral de Ordenación Municipal que foi validado pola Xunta, co mesmo nivel de esixencia de mantemento que un Ben de Interese Cultural. “A protección e as cautelas establecidas polo Concello nestes xardíns son exactamente as mesmas que se fose un BIC”, incidiu.
Vigo celebrará o Día do Patrimonio con actividades para toda a familia no Pazo de Castrelos e na Vila Romana de Toralla. O vindeiro domingo 16 de novembro, o Concello organiza diversas actividades abertas ao público que convidan a coñecer e gozar do noso patrimonio dun xeito participativo e lúdico.
As xornadas serán o 6, 7 e 8 de novembro no Pazo de Castrelos. O alcalde puxo en valor os xardíns e o traballo que se está a desenvolver desde o Goberno local para o seu mantemento.