Toralla ofrece desde mañá xoves, 3 de xullo, e ata o 21 de agosto o programa de representacións teatrais sobre a vida dos poboadores na vila romana.
A obra «Por que Vigo?» terá lugar o venres 27 de xuño ás 20 horas. Será no Patio de Armas e con asistencia gratuíta ata completar aforo.
Abel Caballero avanzou esta mañá o proxecto para recuperar a vida do barrio, pintando as xanelas tapiadas de edificios abandonados.
Esta edición contará con artistas de 5 países e ten un orzamento de 450.000 euros. A Xunta de Goberno tamén deu luz verde á subvención para ACOPOVI cun importe de 205.000 euros.
A aprobación do novo planeamento urbanístico foi un dos fitos destacados polo alcalde de Vigo na presentación do seu balance de xestión. Este documento permitirá a construción de 15.000 vivendas sometidas a algún tipo de protección e duplicará as zonas verdes da cidade.
Abel Caballero comprobou este venres o avance das obras de remodelación do antigo local municipal da rúa Santiago. A finais de verán a praza transformarase para achegar á cidadanía un novo espazo de lecer e encontro, coa construción dunha bancada de granito “que permitirá ver as mellores postas de sol do planeta polas Illas Cíes”.
O Concello abre unha convocatoria pública para seleccionar as actuacións que encherán o recinto con diferentes estilos musicais. É unha das accións do programa de conmemoración do centenario da doazón do Pazo de Castrelos á cidade.
O Concello vén de aprobar a contratación das obras do programa de murais que ten un orzamento de case 200.000 euros e que contará nesta edición con artistas de Arxentina, México, Polonia, Grecia e España.
Con motivo do Día Europeo dos Xardíns Históricos os interesados poderán coñecer cun guía experto os xardíns do Pazo Quiñones de León. As prazas son limitadas e as persoas interesadas deben inscribirse no 010.
O obxectivo do programa municipal é achegar o valor da cultura urbana, especialmente do graffiti, a toda a cidadanía. Ademais, o alcalde avanzou que a biblioteca do Marco súmase a outros 41 museos e centros de arte compartindo as súas publicacións e liberando libros para conmemorar o 23 de abril.