martes, 5 mai 2026
A 16ª edición do Concerto das Letras Galegas do Consello da Cultura Galega celebrarase este ano en Vigo, lugar de nacemento, formación e primeiros pasos profesionais de Begoña Caamaño, homenaxeada de 2026. A presidenta do CCG, Rosario Álvarez, e o alcalde de Vigo, Abel Caballero, xunto coa intérprete encargada da proposta musical, Uxía; Bea Caamaño, irmá de Begoña; e Alejo Amoedo, membro da Comisión Executiva, presentaron en rolda de prensa o programa desta cita, que “será unha festa musical con moitas sorpresas”, na que se mestura a tradición galega con sonoridades atlánticas e lusófonas. O concerto, de entrada libre e gratuíta, terá lugar no Auditorio Mar de Vigo o 16 de maio (20:30 horas) e poderá seguirse en directo a través da web do CCG e na Televisión de Galicia, no marco da programación do Día das Letras Galegas.
mércores, 29 abr 2026
Abel Caballero destacou os acto central, o propio 17 de maio na Porta do Sol. Haberá máis programación con música, regueifas e actividades escolares en homenaxe a Begoña Caamaño. O Correlingua, a actividade organizada cos centros educativos, será o 22 de maio.
mércores, 15 abr 2026
O alcalde saudou este mércores aos máis de 500 alumnas e alumnos de trece centros educativos da cidade, que asistiron no Auditorio Municipal ao espectáculo “Ecoralia, a lambona ecolóxica”, unha xornada organizada polo Concello dentro da programación de normalización lingüística. A través de cancións e narracións a ritmo de rock coa súa guitarra, Pakolas achegoulles a historia da maga Ecoralia, que aborda a importancia do consumo ecolóxico para coidar o medio ambiente, combater o cambio climático e garantir o benestar animal.
martes, 8 xul 2025
O alcalde e a concelleira de Educación e Normalización Lingüística, Olga Alonso, participaron na presentación desta obra que recolle as particularidades do galego de Vigo e que ten por obxectivo “estar orgullosos da lingua dos nosos pais e que os novos vigueses coñezan a lingua e a practiquen”, afirma o autor.
martes, 3 xuñ 2025
Abel Caballero e Susana Reboreda, vicerreitora de Extensión Universitaria, presentaron este martes o novo volume da colección que estuda e recolle a toponimia de Teis nun proxecto de colaboración que procura a divulgación do patrimonio vigués.
venres, 23 mai 2025
Máis de 1.800 escolares saíron desde a Praza do Rei e percorreron a cidade ata Castrelos nun día festivo para reivindicar o uso da lingua galega. O alcalde deu a benvida aos 13 centros educativos participantes e apoiou o uso do galego de cotío. Tamén felicitou ao profesorado polo seu labor no ensino en favor do idioma.
venres, 9 mai 2025
O alcalde avanzou hoxe que o Concello conmemorará, desde o luns 12 ao sábado 17 de maio, o Día das Letras Galegas cun programa dedicado á música tradicional e á poesía que despregará cinco actuacións, ante o Museo MARCO, a Praza do Rei, e a Porta do Sol, do alumnado das escolas municipais de música folk e tradicional, ETRAD, e de danza e percusión tradicional, e dos músicos Francisco Castro e Federico Welicki.
martes, 3 set 2024
O Concello organiza esta semana seis xornadas con proposta musical dobre: o rock infantil e familiar de Pakolas e a tradición das regueifas.
xoves, 23 mai 2024
A XXIV edición da festa da lingua galega, "Correlingua", contou este xoves en Vigo coa participación dun total de 1.823 alumnos de 23 centros do área. Marcharon en defensa do idioma galego entre a Casa do Concello e o monte de O Castro, onde realizaron distintas actividades. Co lema "Dende aquí ate acolá, galego xa!", o estudantado despregou reivindicativas pancartas. Os concelleiros de Educación, Olga Alonso; Política Social, Yolanda Aguiar; Cultura, Gorka Gómez; Medio Ambiente, Nuria Rodríguez e de Orzamentos e Facenda, Jaime Aneiros, participaron na saída da festa da lingua, onde animaron a aumentar o uso do galego entre os mozos.
martes, 16 xan 2024
Abel Caballero deu conta esta mañá do inicio da programación do Centro de Documentación e Recursos Feministas de Vigo para os primeiros meses de 2024. Tamén oferta dous novos cursos de balde o Centro de Interpretación da Oralidade de Vigo.
