mércores, 10 dec 2014
O servizo de Normalización Lingüísticaprograma hoxe mércores ás 20 horas, unha charla sobre o Rexurdimento Literario no Local da Asociación veciñal do Casco Vello (Cánovas del Castillo, 2-baixo)<br />
a cargo de Xurxo Martínez González<br />
<br />
mércores, 22 out 2014
O xoves 23 de outubro a partir das 20.00 h no Centro Social, Cultural e Recreativo de Beade presentase o terceiro volume da colección Toponimia do Val de Fragoso, correspondente á parroquia de Beade.Este labor de recollida, recuperación e posta en valor da toponimia viguesa é froito da colaboración da Concellaría de Normalización Lingüística e da Área de Normalización Lingüística da Universidade de Vigo.
martes, 14 out 2014
O Centro de Interpretación da Oralidade de Vigo (CIOV) de Normalización Lingüística organiza os cursos de improvisación oral en verso e narración oral. Os cursos de carácter gratuíto celebraranse de outubro a maio, os mércores e xoves, respectivamente, no IME-Instituto Municipal de Educación
martes, 24 xuñ 2014
O Centro de Interpretación da Oralidade leva a diferentes recunchos da cidade a palabra viva contada e improvisada: contos, lendas, regueifas, cantos...e o mércores 25 ás 20.00 h na praza da Independencia a Tropa de Trapo vai representar "A viaxe das palabras"
mércores, 4 xuñ 2014
Este sábado no Auditorio Municipal hai unha cita co cine de animación en 3D stop-motion coa proxeccion do film "O Apóstolo" e que programa o Servizo Municipal de Normalización Lingüística Podedes recoller as invitacións no devandito servizo na praza do Rei.
venres, 30 mai 2014
A Concellería de Normalización Lingüística organiza o sábado 31, a partir das 18.00 horas un roteiro toponímico polo polígono de Navia. O roteiro sae do local da asociación veciñal Novo Vigo (As Teixugueiras, 11) e será guiado polas e polos monitores que realizaron diferentes obradoiros sobre a toponimia do lugar nos pasados meses.
martes, 27 mai 2014
No marco do Centro de Interpretación da Oralidade, a concelleira de Normalización, Isaura Abelairas, informou da organización na época estival, e en colaboración co Parque Nacional das Illas Atlánticas, dun "verán regueifeiro", con conferencias, actividades e xogos nas illas Cíes. Contadas, monicreques, música e contos son algunhas das actividades organizadas para público familiar.
venres, 16 mai 2014
O Centro de Interpretación da Oralidade de Vigo (CIOV) achéganos a tradición oral da man do alumnado de narración oral do CIOV, dos regueifeiros e regueifeiras Josiño da Teixeira e Bieito Lobariñas e da actuación de Avelino González
xoves, 15 mai 2014
Abel Caballero acudiu hoxe xoves a Castrelos, onde o goberno local organizou a I Quedada Literaria 2014 de Vigo e bisbarra, coa participación de medio millar de alumnos, de Infantil a Bacharelato, procedentes de oito centros. A Quedada pecha os obradoiros literarios que organiza o Concello durante o curso e enmárcase na celebración do Día das Letras Galegas, que homenaxea a Díaz Castro.