O MARCO celebra o Día de Portugal cunha nova mostra de dous artistas lusos
O Museo MARCO acolle, desde mañá 11 de xuño ata o 27 de setembro, as creacións de Mariana Gomes e Francisco Mendes Moreira, dous artistas portugueses de recoñecida traxectoria creativa.
O alcalde presentou esta mañá, en coincidencia coa celebración do Día de Portugal, a mostra despregada nas salas do primeiro piso do Museo MARCO coa obra dos dous creadores plásticos cunha recoñecida traxectoria creativa. Obras de Mariana Gomes forman parte das coleccións públicas e privadas de prestixio, como a Fundación Calouste Gulbenkian. Francisco Mendes expuxo as súas obras en Europa, América do Norte e Australia.
O alcalde animou á cidadanía de Vigo a visitar a mostra que exhibe obras “de impacto” de dous “grandes artistas”.
Amais, as obras do artista portugués Jorge Martíns, en boa parte pertenecente á colección do MARCO, permanecerán expostas esta semana con motivo dos actos organizados no Día de Portugal.