Caballero destaca a transcendencia do cume de Vigo cos maiores expertos nacionais en cirurxía cardio e endovascular
O alcalde reseñou hoxe, ante os participantes no XXVIII Congreso da Sociedade Española de Cirurxía Cardiovascular e Endovascular e o XXIV Congreso Nacional da Asociación Nacional de Perfusionistas, a importancia dos avances “continuos e permanentes” destas especialidades no aumento das expectativas de vida das persoas cunha doenza cardíaca.
O rexedor afirmou que o congreso, que ata o venres 12 de xuño reúne no Auditorio Mar de Vigo a 500 profesionais e conta coa participación de 80 relatores, é de “máxima importancia” pola difusión dos novos coñecementos que contribúen aumentar a supervivencia dos enfermos.
Trasladou aos especialistas a “confianza” que transmiten á sociedade co “estudo e avance permanente” no coñecemento e tratamento das doenzas.