O alcalde reúnese co cónsul do Uruguai
Abel Caballero recibiu este mércores a Ramiro Rodríguez, quen durante os últimos cinco anos foi cónsul xeral do Uruguai para Galicia, Asturias, Cantabria e o País Vasco e que este mes de xuño remata a súa etapa no cargo. No encontro tiveron a oportunidade de analizar os asuntos que afectan á comunidade uruguaia en Vigo e Galicia e o rexedor desexoullo moito éxito nos cometidos profesionais que desenvolva a partir de agora.
