Vigo participa no proxecto TourVET para formar novos profesionais en turismo
O alcalde recibiu a unha delegación con responsables dos países implicados e asegurou que a cidade está en condicións de compartir o seu modelo turístico con Xordania, Palestina ou Tunisia.
Abel Caballero afirmou que “Vigo é unha potencia turística neste momento” e asegurou que a cidade non só está en condicións de participar neste tipo de iniciativas internacionais, senón tamén de achegar a súa experiencia e o seu modelo de éxito a outros territorios.
O proxecto TourVET reúne centros educativos e universidades de España, Portugal, Turquía, Tunisia, Palestina e Xordania co obxectivo de modernizar a Formación Profesional nos sectores da hostalaría e do turismo, impulsando un modelo baseado na sostibilidade, a protección do patrimonio cultural e a colaboración entre o ámbito educativo e o empresarial.