Caballero recibiu a Antonio Temprano Gutiérrez, novo delegado da Axencia Tributaria en Vigo, para felicitalo polo seu novo cargo na Administración. Temprano, xa afincado en Vigo, asume o cargo logo de traballar na área telemática da AEAT. O alcalde puxo en valor "a súa profesionalidade e a súa gran traxectoria a pesar de ser moi novo". Tamén louvou o seu entusiasmo co novo traballo.
O alcalde lamentou a descoordinación da Xunta de Galicia e pide ao goberno autonómico que dea luz verde ao informe de Medioambiente para poder comezar coa obra de prolongación do túnel de Elduayen: “A petición a este organismo fixémola hai tempo. É a petición para todo o relativo ao Olivo, santo e seña desta cidade”.
O alcalde informou este venres do inicio da elaboración da ordenanza de vivenda turística coa que o goberno municipal busca “garantir a convivencia entre os usos residencial e turístico das vivendas”.
Trala publicación dun informe do Consello de Contas que recolle que o goberno autonómico soamente dedica aos concellos o 3,7% dos fondos europeos que recibe, Abel Caballero censurou este venres a actuación da Xunta.
A decisión trasladouna hoxe en Vigo o ministro para a Transformación Dixital, Óscar López, que mantivo un encontro de traballo co alcalde, e con quen visitou a parcela do PTL de Valadares onde se construirá a planta de SPARC. Posteriormente mantiveron unha reunión cos directivos da fábrica de produción de semiconductores fotónicos. O Ministro asegurou que “Vigo será capital mundial do deseño e a produción dos chips e semiconductores”.
Abel Caballero participou este mércores no inicio da montaxe da iluminación de Nadal onde anunciou que se estenderá pola zona de Vialia, Urzáiz e Bouzas e augurou que este próximo será o mellor da historia de Vigo: “Imos pulverizar o dato de visitantes”, afirmou.
O Concello destina 220.000 euros a comprar material e alugar a maquinaria necesaria para realizar, o próximo curso escolar, obras de mantemento e conservación nos centros de Educación Primaria da cidade. Este verán a administración local acomete melloras en 13 colexios. "Estamos a facer obras en colexios por valor de preto dun millón de euros sen ter competencias porque son da Xunta", apuntou o alcalde.
Baixo o slogan “Coñece os nosos peixes protectores”, a campaña lanzada por Interfish ten o obxectivo de fomentar o consumo da tintorera, o marraxo e o peixe espada. Os produtores asociados á única Organización Interprofesional da Pesca en España capturaron, durante o ano 2023, ao redor de 42.000 toneladas de tintorera, marraxo e peixe espada. Esta organización ten o 99% de representatividade a nivel nacional da pesqueira de palangre de superficie. Na súa intervención, Caballero resaltou a importancia do sector pesqueiro na cidade e mostrou o orgullo da cidade de acoller esta presentación, xa que "Vigo é o mellor lugar para presentala".
O alcalde anunciou hoxe o inicio dos preparativos para desenvolver o circuíto de carreiras populares “Runrun Vigo” 2026 coa contratación da xestión de todos os temas relativos ás inscricións, clasificacións e cronometraxe de cada unha das 12 probas. “Seguiremos facendo do RunRun un emblema deportivo do atletismo de Vigo”, recalcou.
O alcalde visitou este luns as instalacións de Indra en Vigo xunto á ministra de Defensa, Margarita Robles, para coñecer de primeira man o traballo que desenvolve a compañía no ámbito da tecnoloxía de defensa. Nestes momentos conta con máis de 70 profesionais de alta cualificación e a previsión é duplicar esa cifra de cara a 2026, cando tamén está previsto que poida poñer en marcha o Centro de Defensa e Aeroespacial na rúa López Mora. Indra mantén unha colaboración estreita coa Universidade de Vigo en materia de defensa electrónica, un traballo quen a ministra eloxiou sinalando que "están facendo un traballo espectacular ".