Abel Caballero anunciou a apertura do prazo de presentación das solicitudes das becas de comedor do novo curso escolar ás que o Concello destina 2.069.405 euros. “Todo o mundo, xa, que empece a facer a solicitude das becas de comedor”, recomendou o alcalde. Os que cumpran as bases terán ata o 12 de setembro.
O Concello bateu este verán o récord histórico de oferta de prazas nos campamentos de verán coa participación de 4.425 nenos e nenas. Así o constatou hoxe Abel Caballero ao visitar, coas concelleiras de Turismo e Xuventude e Medioambiente, María Lago e Nuria Rodríguez, o campus polideportivo de Bouzas.
O goberno municipal destinará más de 48.000 euros aos programas educativos “Enlaza Vigo contra a violencia de xénero” e “Camiña con nos pola igualdade”, dirixidos á formación e concienciación dos xóvenes sobre a igualdade e contra a violencia machista. Así o anunciou este luns o alcalde ao destacar o acordo adoptado na última Xunta de Goberno. “Trátase de trazar en Vigo a senda da igualdade e da loita implacable contra os maltratadores”, afirmou Abel Caballero.
Abel Caballero avanzou hoxe que o programa municipal de artes escénicas “VigoCultura” do segundo semestre de 2024 despregará unha carteleira de 29 espectáculos. “VigoCultura xa está acreditada en toda Galicia como unha gran programación cultural e converteuse nun referente importante das artes escénicas”, afirmou o alcalde ao reiterar a aposta por “seguir facendo de Vigo a cidade da cultura”.
A Xunta de Goberno Local aprobará mañá a licitación da Avenida de Madrid, cun presuposto de máis de 16,8 millóns de euros, segundo avanzou hoxe Abel Caballero. “Teremos unha Avenida de Madrid completamente diferente, con adornos, esculturas e medianeiras verdes”, explicou o rexedor.
A comisión municipal de axudas de emerxencia aprobou esta semana a concesión dun total de 81 apoios por un importe de preto de 21.000 euros. A maior parte destínanse ao pago de alugueiros e alimentación, segundo remarcou este mércores o alcalde. “Nos, en Vigo, non queremos que ninguén quede abandoado á súa sorte”, afirmou.
Abel Caballero anunciou o inicio, mañá xoves 8 de agosto, do Marisquiño “máis olímpico”, por contar coa participación de deportistas que se desprazan a Vigo directamente desde as olimpíadas de Paris. “Serán 4 días de skate e de deportes urbanos, de festa e de atracción”, afirmou o alcalde. “A mellor fin de semana de deportes urbanos de todo o mundo”, destacou.
Abel Caballero e o delegado da Zona Franca, David Regades, mantiveron unha xuntanza co CEO de Indra, José Vicente de los Mozos, que reiterou a súa intención de liderar a fabricación de chips fotónicos, o proxecto Sparc -promovido por Zona Franca -, unha vez coñecida a importancia desta iniciativa para a industria do entorno e da potencialidade de Vigo para encabezala.
Abel Caballero sinalou que “estamos en plena olimpiada de París” pero en breve “comeza a postolimpiada do deporte urbano” co Marisquiño, xa que “grandes deportistas que están na capital francesa competindo, estarán en Vigo”.
O servizo de socorrismo despregado polo Concello nas praias realizou un total de 1.495 asistencias ata o día 31 de xullo. Así o avanzou este martes Abel Caballero ao lembrar que o operativo atende ás necesidades de doce areais da cidade. “Un bo sistema de socorrismo que xa atendeu a 1.500 persoas”, afirmou.