venres, 1 mar 2024
Abel Caballero adiantou este venres a mellora que experimentará a cooperación entre as administracións municipal e estatal coa incorporación de Abel Losada ao cargo de subdelegado do Goberno en Pontevedra. Así o apuntou o alcalde tras a reunión onde quedou patente que o nomeamento do exconcelleiro do seu goberno garante “a presenza de Vigo nas decisións que desde a subdelegación do Goberno tómense para o conxunto da provincia e da cidade”. Losada coincidiu co rexedor no anticipo dunha “relación máis fluída” entre o Concello e a representación do Goberno en Pontevedra.
venres, 1 mar 2024
A Xunta de Goberno aprobou este venres a licitación do proxecto da pavimentación da Avenida de Citroën, así como a adxudicación das obras para a cubrición lateral da pista do Centro Cultural de Becerreira, en Cabral, e a instalación dun novo céspede artificial no campo das Travesas.
venres, 1 mar 2024
A Xunta de Goberno aprobou o contrato do servizo integral de telecomunicacións que permitirá decretar a gratuidade do 010 a partir do mes de xullo. Caballero explicou que con esta validación acabamos coa “anomalía inadmisible” que supoñía que a cidadanía tivera que pagar por esta prestación.
xoves, 29 feb 2024
Nun encontro que tivo lugar esta mañá, Abel Caballero e Yolanda Aguiar, concelleira de Política Social, recibiron a representantes da asociación. Trátase dunha entidade sen ánimo de lucro e de iniciativa social en saúde mental que intervén anualmente con máis de 70 persoas con trastornos. O seu obxectivo principal é o de promover a autonomía persoal para mellorar a inclusión real na contorna das persoas con discapacidade e, concretamente, das persoas con trastornos mentais. Abel Caballero agradeceulle a súa labor e trasladoulles o apoio nos retos futuros.
martes, 27 feb 2024
O parque de Jenaro de la Fuente, próximo ao instituto Castelao, levará o nome do desaparecido pediatra Juan Luis Villalón. Así o avanzou este martes Abel Caballero ao explicar que o Concello, en resposta á petición dun importante número de cidadáns, renderá homenaxe a un profesional da medicina “moi querido na cidade, cun gran labor, e cunha grande implicación no deporte, especificamente do karate”, tanto coa designación do espazo de xogos como coa instalación dunha placa conmemorativa.
martes, 27 feb 2024
Abel Caballero desvelou esta mañá o día de realización da gala que, dada a coincidencia coa Semana Santa, este ano adiántanse con respecto á data habitual que adoitaba ser o 28 de marzo, o "día da Reconquista de Vigo" rememorando o ano 1809. O acto terá lugar no teatro Afundación, como en edicións anteriores, ás 20:00 horas. O rexedor tamén avanzou que a lectura do bando correrá a cargo de Luis Espada Recarey, "reitor fundacional da Universiade de Vigo e actualmente Valedor do Cidadán".
martes, 27 feb 2024
A atleta olívica logrou a clasificación para os Xogos Olímpicos de París 2024 coa vitoria no Campionato de España de Maratón, modalidade na que debutaba. Ester Navarrete venceu na proba cun tempo de 2:24.40; 130 segundos mellor que o esixido pola Federación Internacional para lograr clasificar á cita olímpica, que disputará na capital gala ás 8 da mañá do domingo 11 de agosto. Abel Caballero aproveitou para trasladarlle o seu "inmenso orgullo" e transmitirlle "toda a forza da cidade".
venres, 23 feb 2024
O Museo de Arte Contemporánea de Vigo exhibe ata o 25 de agosto a mostra “Dexesando ser” do artista Daniel Verbis, comisariada polo director do centro, Miguel Ángel Fernández-Cid. “É unha exposición de arte que "cautiva”, asegurou Abel Caballero no acto de presentación da cita cultural á que convida a participar aos vigueses pola calidade das obras expostas.
venres, 23 feb 2024
O Concello de Vigo súmase este venres 23 de febreiro, á conmemoración do Día da visibilidade do Síndrome de Noonan, iluminando as fontes de rosa e cian para a visbilización dunha condición de causa xenética. Débese a alteracións na secuencia (mutacións) dunha das copias dun xen, considerada una enfermidade rara.
O domingo 25, iluminaranse de lila, con motivo da celebración do Día Internacional do Implante Coclear, unha técnica que permite oír ás persoas afectadas por xordeira profunda, a través da estimulación eléctrica das células acústicas do oído interno. Celébrase en numerosos países desde o ano 2009, para dar visibilidade a esa técnica innovadora no campo da audición. Adóitase utilizar en nenos e nenas recentemente nados, pero tamén é útil para afectados por perda auditiva severa de todas as idades, incluídas persoas de idade avanzada.
xoves, 22 feb 2024
Abel Caballero anunciou este xoves que a xunta de goberno de Vigo aprobará mañá a axuda de máis de 355.000 euros destinada a colexios públicos de infantil e de primaria para cubrir o custo das reparacións para realizar nas instalacións escolares, así como unha asignación de 1.050.000 euros para a xestión das escolas municipais infantis de Tomás Alonso e Bouzas.
