mércores, 25 set 2024
O alcalde abordou hoxe coa dirección da Asociación dos Premios da Crítica de Galicia as novidades da 46 edición dos galardóns que se entregarán no acto programado para o día 19 de outubro no teatro Afundación de Vigo. O presidente da asociación, Manuel Bragado, e as vicepresidentas, Malós Cabrera e Inma López Silva, explicaron a Abel Caballero a ampliación das modalidades de premios coa incorporación de tres ámbitos: ciencia e tecnoloxía; investigación en ciencias sociais e humanidades; e cultura dixital. O Concello subvenciona con 9.000 euros uns galardóns que desde 1978 recoñecen as achegas individuais e colectivas nas distintas expresións da creación cultural e da investigación en Galicia.
mércores, 25 set 2024
A comisión de axudas de emerxencia do Concello de Vigo aprobou este martes a concesión de 103 apoios por valor de 350.000 euros. “Seguimos atendendo á xente, e este ano prevemos dar máis número de axudas e máis montante económico que o ano pasado”, avanzou o alcalde.
mércores, 25 set 2024
O alcalde explicou este mércores que o goberno municipal “segue mellorando o servizo á cidadanía viguesa” habilitando cinco fiestras máis de atención cidadá no Rexistro a través das cales se poden xestionar trámites do padrón, entre outros.
martes, 24 set 2024
O Concello responde á demanda das persoas maiores de contar coa actividade de baile a través da iniciativa “Bailes en Vigo”, dentro do programa "Vigo, Cidade Amiga dos Maiores". As sesións musicais realizaranse as fins de semana, a partir do venres 11 de outubro, nos locais municipais das asociacións veciñais.
luns, 23 set 2024
Abel Caballero despediu este luns no aeroporto de Peinador aos 40 alumnos de cinco centros vigueses: A nosa Señora da Esperanza, O Pilar-Maristas, Niño Jesús de Praga, Martín Códax e do Instituto do Castro, que inician a súa inmersión lingüística no Reino Unido. O alumnado residirán as tres próximas semanas en Devon e en Ottery St Mary, e estudarán nos centros West Exe School e The King’s School. Neste curso 1.027 estudantes viaxan a Reino Unido e Irlanda para mellorar o seu nivel de inglés
luns, 23 set 2024
O alcalde trasladou este luns ao párroco da Igrexa de San Cristóbal de Candeán que o Concello financiará a humanización do adro e estudará a restauración do retablo.
luns, 23 set 2024
Vigo volveu superar o 80 por cento de ocupación media dos hoteis ao rexistrar esta pasada fin de semana o 81,2 por cento do total da oferta. A cidade consolida datos históricos en setembro, “coas cifras máis altas que tivemos nunca nesta época”, remarcou hoxe Abel Caballero.
venres, 20 set 2024
Este venres, o Concello súmase á conmemoración do Día Mundial do Alzheimer, celebrado en todo o mundo o 21 de setembro, para difundir información sobre esta enfermidade para xerar coñecemento sobre a mesma, concienciar á poboación e a que quen a padeza poida asistir a grupos de apoio.
venres, 20 set 2024
O alcalde e a primeira tenente de alcaldía presentaron este venres o programa de seis concertos co que a Orquestra Vigo 430 celebrará en 2025 dúas décadas de difusión da música clásica.
venres, 20 set 2024
O goberno municipal aprobou hoxe a licitación das obras de humanización de 14 rúas dun total de 10 parroquias da cidade. Contarán cun investimento de 1.145.000 euros.
