O alcalde saudou este venres aos participantes na XLV asemblea xeral de Anagrual, agrupación nacional de alugadores de guindastres móbiles de España, destacando o traballo que realizan estas empresas, especialmente en Vigo, coa montaxe, entre outras estruturas de referencia, da árbore de Nadal. Os integrantes de Anagrual, que agrupa a 200 pemes con máis de 8.000 traballadores, analizan en Vigo ata o domingo 21 as novidades do sector.
Abel Caballero trasladou esta mañá a Ignacio Villanueva, vicealmirante da Armada Española e comandante da Operación Atalanta, activada en 2008 no Índico tras os secuestros dos pesqueiros Praia de Bakio e Alakrana por piratas somalíes, o “orgullo” por liderar as forzas que garanten a seguridade no mar. “É unha gran honra como país, como nación”, afirmou.
A Xunta de Goberno Local adxudicará mañá a contratación dos vehículos por 1,2 millóns de euros para as novas dotacións dos parques de Teis e de Esturáns-Sergio Sanlés.
Abel Caballero felicitou hoxe ás xogadoras dos tres equipos de base do Club Celta de Baloncesto Feminino polas vitorias alcanzadas ao longo desta tempada que as levou a alzarse cos títulos de campioas da Liga Galega nas categorías preinfantil, alevín e benxamín. O rexedor animou ás integrantes do equipo alevín, que este sábado participan no Campionato Español de Minibásket, a conseguir un novo triunfo para o seu palmarés deportivo .
O alcalde alentou hoxe aos novos graduados en Comercio, Maestrado en Dirección de Pemes e Mestrado en Comercio Internacional da Universidade de Vigo ante o inicio da súa nova etapa vital nos ámbitos laborales e do desenvolvemento profesional. Tras destacar o prestixio da formación recibida, incidiu en que ao longo das súas viaxes atopou profesionais do comercio con importantes cargos directivos. Caballero reseñou o "orgullo" dos pais dos recentemente graduados polo éxito do final da etapa de formación dos seus fillos.
O alcalde felicitou esta mañá ao alumnado do colexio Alba pola súa participación na carreira solidaria “A volta ao Cole” para sensibilizar sobre a importancia da colaboración na loita contra a leucemia infantil.
O Concello despregará o martes 23 de xuño un dispositivo especial cara a praia de Samil. Desde as sete da tarde e ata as seis da madrugada do día 24 de xuño aumentarán as frecuencias das liñas principais para responder ao incremento da demanda de viaxeiros.
Abel Caballero participou este mércores na inauguración da II edición de Stonegal, a feira internacional de referencia para o sector da pedra natural que reúne desde hoxe e ata o venres no IFEVI a 150 expositores coa presenza de empresas, profesionais e representantes nacionais e internacionais vinculados a toda a cadea de valor. O alcalde puxo en valor a “idea brillante” de organizar un “gran congreso” arredor da pedra, que “representa a forma de entender o que fomos coa modernidade do século XXI”. Así expuxo que “Vigo é a cidade da pedra” desde o momento no que construíu as as súas murallas de pedra, “como forma de vida e defensa” ata agora, na modernidade, cando a pedra segue sendo a protagonista na configuración do espazo urbano. “Humanizamos 700 rúas con pedra, verde e flores e así pisamos un granito excepcional, que enlaza co que somos” e citou como exemplo a Porta do Sol que era de asfalto e hoxe, sen coches, é unha praza con solo de granito recuperada como espazo cultural para a cidadanía.
O alcalde presentou esta mañá a cita moteira que reunirá a un máximo de 500 afeccionados na ruta que partirá ás 5,30 da tarde desde a estrada do Regueiro para finalizar, dúas horas despois, na estrada Camiño Igrexa. Organizada pola Asociación Irmandade de San Campio de Valadares, conta coa colaboración do grupo moteiro “4 amigos” e do Concello de Vigo.
A Fundación Laxeiro acolle ata o 20 de setembro "Laxeiro, as viñetas que non foron ao prelo", unha selección de debuxos inéditos realizados polo artista nos anos 20 do século pasado. A mostra foi inaugurada esta mañá polo alcalde.
