O alcalde avanzou hoxe a reedición, por sexto ano, da iniciativa desenvolvida cada ano coa Central Radio Taxi para facilitar a visita ás luces de Nadal ás persoas maiores que viven en residencias da cidade.
A primeira tenente de alcalde de Vigo participou este xoves no IV Foro Empresarial pola Igualdade, organizado pola Confederación de Empresarios de Pontevedra, na que se abordou a diversidade e a inclusión na contorna laboral. Carmela Silva avogou pola igualdade como “unha cuestión primordial de valores, pero tamén como unha cuestión económica. Se as mulleres achegaramos todo o noso talento á economía, o PIB español crecería entre un 15% e un 18%”. No encontro debateuse sobre a innovación e a diversidade, as estratexias de xestión do talento liderado inclusivo e as prácticas e políticas implementadas para a inclusión na empresa.
No marco da programación municipal polo Día Internacional da Muller 2024, as xornadas formativas ofrecen durante dous días un espazo de reflexión sobre as catro décadas de políticas públicas de igualdade en España e Galicia.
O Concello de Vigo fía a nova campaña “Xoga a ser quen a túa queiras. Elixe o teu xoguete non sexista e non violento” coa recentemente finalizada sobre a violencia contra as mulleres, xa que profunda na mensaxe da creación dunha sociedade de iguais coa recomendación aos adultos de adquirir xoguetes con perspectiva de xénero cos que educar en valores, e reflexionar sobre a importancia de construír unha sociedade igualitaria.
O concelleiro da área de Goberno de Fomento e Servizos mantivo un encontro este xoves con varios integrantes da asociación que representa a este sector empresarial galego. Abordaron a situación do sector nestes momentos e asuntos relacionados coa promoción e o uso do granito nas diferentes obras que se acometen na cidade.
O alcalde, a presidenta da Deputación, Carmela Silva, e o delegado de Zona Franca, David Regades, visitaron o mercado onde centros educativos de toda a provincia expuxeron dezaseis proxectos cooperativos creados no marco do “Depoemprende”. O obxectivo deste programa do ente provincial é a promoción da cultura emprendedora nas aulas mediante a familiarización e integración dos elementos da xestión empresarial.
O alcalde informou este luns en rolda de prensa da adaptación que vén de realizar no seu goberno co fin de seguir captando fondos europeos. Elena Espinosa asume a nova área de xestión dos fondos europeos e Patricia Rodríguez incorpora Seguridade.
David Regades fixo estas declaracións na Mesa Redonda "Porto de Vigo: Amenazas e Retos", organizada polo Círculo de Empresarios de Galicia e por Conxemar. Xunto ao funcionamento do PIF e a estiba, o segundo tenente de alcalde ofreceu colaboración para recuperar cruceiros, á empresa danesa e tamén para sacar adiante un plan de ordenación portuaria.
O segundo tenente de alcalde, David Regades, participou este martes en Bouzas na inauguración desta iniciativa da Fundación ONCE e do Real Padroado sobre Discapacidade. Esta vivenda consegue adaptarse ás necesidades dos seus habitantes, coidando ademáis de factores coma o confort, a seguridade, a enerxía, as comunicaciones e a accesibilidade.
O segundo tenente de alcalde e concelleiro de Fomento, David Regades, presentou este luns a aplicación "intuitiva, segura e gratuita" que amplía o proxecto "Smart City" do goberno de Vigo. SMART Aqua permite comunicar directamente as incidencias ou avarías ao incluír un sistema de xeolocalización.