O alcalde avanzou que esta tarde se depositarán as cinzas do primeiro vigués relevante que descansará no novo monolito do cemiterio de Pereiró deseñado para homenaxear a persoas destacadas polo seu traballo en favor de Vigo. Ceferino de Blas será a primeira personalidade que “repousará” neste espazo.
Abel Caballero comprobou hoxe o avance das obras de remodelación do paseo de Samil, que se executan cunha achega de máis de dous millóns de euros do Goberno de España e que permitirán recuperar superficie de praia. "Estamos a facer unha transformación histórica en Vigo”, afirmou.
O alcalde visitou este venres o recinto tras o remate das obras de mantemento e reparación executadas dado o “nivel de deterioración importante” que presentaba.
O Concello adxudicou as obras de remodelación de Pereiró para dotar ao cemiterio cun espazo de enterramento ecolóxico de cinzas. “Imos facer un cemiterio-xardín onde as familias que o decidan poden facer unha cerimonia e un enterramento en terra con garantías ambientais”, explicou este venres Abel Caballero. "Queremos que as familias teñan en Pereiró un lugar onde realizar un enterramento das cinzas, nunha zona axardinada e urnas biodegradables”, afirmou o alcalde ao indicar que a nova zona contará cunha área para realizar cerimonias de despedida e rodeada de arborado.
Este venres, 4 de outubro, celébrase o Día Mundial dos animais e o goberno municipal pon en marcha unha campaña de concienciación cidadá para visibilizar o abandono animal tras o verán.
A Xunta de Goberno acordou hoxe contratar as visitas guiadas teatralizadas ao cemiterio de Pereiró durante o Samaín, segundo anunciou o alcalde.
A segunda actividade do programa “Camiño a Camiño” a espazos naturais singulares de Galicia foi trasladada do domingo 6 de outubro ao día 3 de novembro debido ás previsións climatolóxicas. O Concello manterá as inscricións das persoas que se anotaron para participar no roteiro ao parque de Corrubedo.
Abel Caballero explicou que o alumnado poderá aprender sobre como “tratar a importancia da reciclaxe, promover a economía circular e aplicar prácticas sostibles”. Ademais, o Concello está a levar a cabo unha enquisa de valoración nos centros educativos para identificar as súas necesidades específicas en materia de reciclaxe.
A Corporación aprobou, co apoio do BNG e os votos en contra dos populares, a moción do grupo socialista que demanda a Augas de Galicia un plan anual de atención e limpeza do río e a retirada de especies invasoras de todo o tramo fluvial do Lagares.
O rexedor vigués explicou que “as multas son de 300 euros para particulares e de 1.000 euros para empresas” e fixo fincapé na “lentitude” do proceso pola “dificultade de localizar aos propietarios, en moitos casos empresas en procesos de disolución".