O Concello programa obras en 65 dos 160 parques infantís instalados en toda a cidade. Investirá 1,5 millóns de euros nas novas melloras, segundo indicou Abel Caballero. “Estamos a proceder á renovación total de todos os parques infantís de Vigo”, afirmou.
O comité asesor do Plan de Emerxencia Municipal, dirixido polo alcalde, reuniuse este xoves para establecer o dispositivo de atención ante o que poida suceder cos lumes pedindo colaboración cidadá “ante calquera sospeita”.
O Concello vén de iniciar a obra que supoñerá a demolición da pérgola da praia de Samil, que presentaba deficiencias estruturais, e tamén reparará a pista de patinaxe situada na zona de paseo do areal.
No balance de goberno reivindicou o Nadal, así como a Reconquista – na que se conseguiu a Declaración de Festa de Interese Nacional – ou os concertos de Castrelos, “cos artistas máis relevantes do panorama actual”. O alcalde puxo en valor os premios que recibe a cidade por obras como o HALO ou a nova potabilizadora: “Cada vez que nos presentamos a algo gañamos”. Outra gran acción no medioambiente foi a transformación de VigoZoo en VigoNature, unha gran aula de educación ambiental e o traballo para que as Illas Cíes sexan declaradas Xeoparque Mundial da UNESCO.
A partir do venres 23 de maio e ata o 30 de setembro, os usuarios da praia de Samil poderán gozar das catro piscinas de auga salgada. Son gratuítas e contarán coa atención de 12 socorristas.
O alcalde inaugurou este martes a remodelación do parque Camilo José Cela. As obras de renovación das zonas central e baixa contan cun investimento do Concello de 315.000 euros. O alcalde recalcou a importancia das melloras realizadas no espazo pola súa proximidade a un colexio e polo seu elevado uso por parte da veciñanza de tódalas idades.
O alcalde anunciou que a Xunta de Goberno deu luz verde á renovación da calzada das rúas Brasil, Cuba, Santo Domingo e Guatemala. O goberno local tamén aprobou unha partida de 173.000 euros para o mantemento das novas zonas verdes da cidade.
O rexedor avanzou que o Concello continúa dando pasos para a construción do gran macroparque infantil de Finca Matías, que pasou esta xoves por Xunta de Goberno Local.
Abel Caballero deu conta este luns do avance das obras de remodelación do Parque Camilo José Cela. Cun orzamento de 350.000 euros, a previsión é que os traballos estean rematados a comezos do ano que vén.
O alcalde explicou que as incidencias foron “dunha gran envergadura”, xa que afectou a 218 árbores en toda a cidade.