martes, 30 mar 2021
A Xunta de Goberno Local aprobará o expediente de contratación, por procedemento aberto, das obras de rehabilitación da edificación situada na rúa Alta número 23., e tamén o proxecto de renovación da iluminación do Parque de Castrelos, por 623.000 euros, e a humanización de Severino Covas, cun orzamento de 440.000 euros.
xoves, 18 mar 2021
O alcalde deu conta esta mañá da contratación dun servizo de desinfección covid que permitirá manter abertos 68 parques infantís, 35 áreas biosaudables e 11 áreas deportivas. O importe deste servizo é de 99.944 euros.
martes, 16 mar 2021
O Concello investiu 32.670 euros na recuperación integral desta “parte do patrimonio da cidade” que estaba moi deteriorada, segundo explicou o alcalde logo de coñecer o traballo realizado na estrutura externa e interna e que permitirá que a carroza estea “preparada para 150 anos máis”.
luns, 15 mar 2021
O alcalde participa este luns na plantación de carballos, bidueiros e pradairos xaponeses nese espazo no que ademais se están realizando labores de limpeza e rexeneración e no que tamén se instalarán arredor de 50 especies perennes e bulbos.
venres, 5 mar 2021
Xunto a membros do seu goberno, o alcalde desprazouse este venres ata a Avenida de Castrelos para comprobar o resultado da reparación do enreixado do parque, reparado ou substituído ao longo dos 320 metros de frontal. Ademais, o Concello prepara a mellora da iluminación do parque, por 600.000 euros.
martes, 2 mar 2021
O alcalde destaca a “alta calidade arbórea” das especies que comezaron a plantarse este martes e que conformarán “bosques temáticos” ao longo da pradería da Avenida “no corazón da cidade”.
venres, 26 feb 2021
A fonte da Praza da Compostela iluminarase a tarde deste venres (20:00 horas) de novo tras os traballos de rehabilitación feitos durante os últimos tres meses. O alcalde informou de que o Concello investiu case 50.000 euros na mellora dos sistemas de funcionamento. Ademais, tamén sinalou que xa comezaron as medidas correctoras para recuperar unha árbore do parque do Castro que resultou danada coa borrasca “Karim”.
venres, 19 feb 2021
O alcalde avanzou esta mañá un investimento de 1,6 millóns de euros na reforma integral da Praza da Miñoca. Ademais de dotar de maior natureza o espazo, o parque infantil ampliarase ata o os 2.000 m2 e haberá un río artificial que desembocará nun estanque orgánico.
martes, 12 xan 2021
Abel Caballero apunta que é "obriga" do goberno autonómico a desinfección Covid e para ese fin recibiu recursos do Estado polo que censura que a Vigo non teña chegado "nin un euro dos centos e centos de millóns" transferidos cando a cidade investiu máis de 1,5 millóns de euros en tarefas de desinfección.
luns, 11 xan 2021
Logo do apagado da iluminación da cidade, Abel Caballero fixo balance destas semanas nas que non se rexistraron incidencias e nas que “funcionou moi ben a coordinación entre os controladores na rúa e o control das cámaras” para supervisar o aforo.
