O goberno municipal entrega 1.500 carballos ás comunidades de montes de Vigo
O alcalde asistiu este mércores ao acto de entrega dos exemplares desta especie autóctona, que se desenvolveu no viveiro municipal do Monte do Castro.
En rolda de prensa, o Abel Caballero explicou que o Concello “segue na reforestación da cidade. Plantamos miles e miles de árbores desde que son alcalde e este é o momento da historia de Vigo na que hai máis árbores plantadas”.
O plan do goberno municipal contempla a entrega de 300 carballos á Comunidade de Montes de Teis, 250 ás comunidades de Beade e Saiáns, 200 á de Coruxo, 150 carballos á Comunidade de Montes de Candeán e a Montes de Vigo, a de Matamá recibirá 100 e as de Valadares e Zamáns 50 unidades.