Santi Domínguez presenta o campus musical da Orquestra Xovigo, que se presentará en concerto o 12 e 13 de marzo

xoves, 3 mar 2011

O tenente de alcalde, Santi Domínguez, expresou hoxe a súa satisfacción pola posta en marcha da Orquestra Xovigo, que fará a súa estrea os vindeiros 12 e 13 de marzo no Auditorio Martín Codax do Conservatorio Superior de Música de Vigo. O nacionalista salientou que os integrantes do proxecto Xovigo participarán dende mañá e ata o 7 de marzo nun campus musical que contará cos mellores profesionais que teñen que ver coas orquestras nos diferentes ámbitos.

Santi Domínguez garante a celebración do Salón do Automóbil co patrocinio da Tenencia de Alcaldía

martes, 15 feb 2011

O tenente de alcalde, Santi Domínguez, mantivo este martes unha xuntanza co comité organizador do Salón do Automóbil de Vigo, que este ano acada a vixésima edición. Tras a reunión, o nacionalista asegurou que co patrocinio da Tenencia de Alcaldía "garantimos o espectáculo" e afirmou que o Salón seguirá consolidándose como gran referente do sector no ámbito estatal.

Santi Domínguez di que as Xornadas do Mexillón, nas que participan 24 locais, contribúen á dinamizar o Casco Vello

venres, 4 feb 2011

O tenente de alcalde, Santi Domínguez, inaugurou este venres as quintas Xornadas do Mexillón, que se celebrarán ata o 26 de febreiro no Casco Vello coa participación de vintecatro establecementos nos que se poderán degustar tapas a 1,5 euros. Segundo salientou o nacionalista, "despois do éxito das anteriores edicións, vémonos na obriga de repetir e seguir traballando na recuperación e dinamización dos Casco Vello".

Santi Domínguez visita as obras de recuperación do contorno da vila romana de Toralla e confirma o centro de interpretación

luns, 24 xan 2011

O tenente de alcalde, Santi Domínguez, e o concelleiro de Patrimonio Histórico, Eudosio Álvarez, visitaron este luns os traballos de mellora do contorno do xacemento arqueolóxico de Toralla. O nacionalista asegurou que este traballo terá continuidade coa próxima sinatura do convenio de colaboración co Ministerio de Cultura para a construción do centro de interpretación de visitantes. Segundo explicou, o conxunto das actuación suporá un investimento total de 1,2 millóns de euros.

Santi Domínguez presenta o cartel gañador do concurso da Festa da Reconquista que se vai presentar en FITUR

xoves, 20 xan 2011

O tenente de alcalde, Santi Domínguez, presentou este xoves o cartel gañador do V Concurso da Festa da Reconquista, realizado por José Manuel Gorís co título "Bandeiras de loita e liberdade", que servirá para presentar este evento mañá en Fitur. O nacionalista destacou que a Reconquista está xa consolidada como a festa "máis importante do calendario cultural vigués", debido especialmente ao arroupe popular, que crece ano a ano.

Santi Domínguez anuncia no Calvario que nun mes abrirá a nova convocatoria de axudas ao pequeno comercio

xoves, 13 xan 2011

O tenente de alcalde, Santi Domínguez, comezou este xoves no Calvario unha nova rolda de visitas ás zonas comerciais de Vigo. No percorrido que hoxe realizou por diversos establecementos desta zona, o nacionalista defendeu a necesidade de seguir apoiando o pequeno e mediano comercio da cidade e anunciou que a principios de febreiro abrirá unha nova convocatoria de axudas a este sector.

Santi Domínguez destaca que coa reforma da rúa Oliva entra na "recta final" a primeira fase da recuperación do Casco Vello

mércores, 12 xan 2011

O tenente de alcalde, Santi Domínguez, inaugurou este mércores a reforma da rúa Oliva, que contou cun investimento total de 202.221 euros con cargo ao Fondo Estatal para o Emprego e a Sostenibilidade. Segundo destacou o nacionalista, coa reforma deste vial emblemático, a primeira fase dos traballos de recuperación do Casco Vello que se están facendo nesta lexislatura entra na súa "recta final".

O xacemento de O Castro pechou 2010 con 30.000 visitantes e recibe a felicitación da Real Academia Galega de Belas Artes

venres, 7 xan 2011

O tenente de alcalde, Santi Domínguez, amosou hoxe a súa satisfacción polo recoñecemento feito pola Real Academia Galega de Belas Artes en relación á recuperación e posta en valor do xacemento arqueolóxico de O Castro, que recibiu ao longo de 2010 arredor de 30.000 visitantes. Para o nacionalista supón unha "gran honra" que esta entidade saliente o traballo feito polo Concello de Vigo no eido do patrimonio histórico.

O tenente de alcalde anuncia que o Ifevi abre o día 14 a tempada de grandes eventos con Galiexpo Motor Show

luns, 3 xan 2011

O tenente de alcalde, Santi Domínguez, presentou hoxe luns a sexta edición de Galiexpo Motor Show, que será o primeiro dos grandes acontecementos que se celebrarán este ano no recinto feiral do Ifevi. O nacionalista salientou o esforzo realizado pola organización do evento, xa que "nestes tempos de crise" non é fácil manter este tipo de eventos e facelo innovando para seguir medrando.

Santi Domínguez salienta o éxito de público e das actividades que o Concello organizou en Vigolandia

xoves, 30 dec 2010

O tenente de alcalde, Santi Domínguez, e o concelleiro de Cultura, Xesus López, visitaron hoxe Vigolandia, o parque de lecer que se clausura hoxe cun "balance altamente satisfactorio", segundo explicou o nacionalista. A falta dos datos da xornada de hoxe, na que se clausura, Vigolandia está tendo un maior número de visitantes que na edición anterior. O tenente de alcalde sinalou que é moi previsible que se superen as 21.000 persoas do ano pasado.