Santi Domínguez destaca que coa reforma da rúa Oliva entra na "recta final" a primeira fase da recuperación do Casco Vello
O tenente de alcalde, Santi Domínguez, inaugurou este mércores a reforma da rúa Oliva, que contou cun investimento total de 202.221 euros con cargo ao Fondo Estatal para o Emprego e a Sostenibilidade. Segundo destacou o nacionalista, coa reforma deste vial emblemático, a primeira fase dos traballos de recuperación do Casco Vello que se están facendo nesta lexislatura entra na súa "recta final".
No acto, que contou coa participación de concelleiras e concelleiros da corporación e representantes das asociacións de comerciantes e veciñal do Casco Vello, Santi Domínguez animou a comprobar "o antes e o despois" das remodelacións, así como a pasear para comprobar as melloras efectuadas. "É preciso comprobar as diferenzas non polo autobombo dos políticos, senón para que a ninguén se lle ocorra nunca máis deixalo abandonado", manifestou.
O tenente de alcalde salientou que a recuperación integral do Casco Vello foi un compromiso do BNG e "persoal" ao chegar ao goberno, que dá un paso máis coa reforma da rúa Oliva. Afirmou que co obxectivo de potenciar a sostenibilidade económica e ambiental da zona leváronse a cabo diversas actuacións, entre as que destaca a instalación de novas redes de augas pluviais para conseguir un sistema separativo, ata agora inexistente.
Indicou que se renovou a rede de abastecemento de auga potable, configurando redes que aumentan a capacidade do subministro actual, implementándoo naquelas zonas nas que non existía. Proxectouse tamén a obra necesaria para o soterramento do cableado, tanto no tocante á rede eléctrica coma a de telecomunicacións. Respecto á pavimentación da rúa, Santi Domínguez sinalou que se recuperaron boa parte das lousas de pedra existentes, "ao igual que no resto das rúas" colocándoas nunhas bandas laterais paralelas as fachadas, e respectando o despiece orixinal. A pavimentación fíxose con lousa de pedra de espesor suficiente para resistir o tráfico rodado.
O nacionalista destacou que se renovaron as instalacións de alumeado público, colocando luminarias novas de elevado rendemento e lámpadas de baixo consumo. Como novidade, ao respecto salientou que "por fin podemos ver iluminada a Colexiata con novas luminarias".
"Se os cidadáns e cidadás renovan a súa confianza en nós, no vindeiro mandato remataremos o proceso", asegurou. Ao seu xuízo, "agora toca" continuar coa rehabilitación de vivendas en colaboración co Consorcio do Casco Vello. Avanzou que proximamente haberá novas noticias positivas para o barrio, como a apertura da Pinacoteca nos vindeiros meses. "Despois do importante esforzo realizado non podemos parar", subliñou.
Descargar todas as imaxes
O tenente de alcalde salientou que a recuperación integral do Casco Vello foi un compromiso do BNG e "persoal" ao chegar ao goberno, que dá un paso máis coa reforma da rúa Oliva. Afirmou que co obxectivo de potenciar a sostenibilidade económica e ambiental da zona leváronse a cabo diversas actuacións, entre as que destaca a instalación de novas redes de augas pluviais para conseguir un sistema separativo, ata agora inexistente.
Indicou que se renovou a rede de abastecemento de auga potable, configurando redes que aumentan a capacidade do subministro actual, implementándoo naquelas zonas nas que non existía. Proxectouse tamén a obra necesaria para o soterramento do cableado, tanto no tocante á rede eléctrica coma a de telecomunicacións. Respecto á pavimentación da rúa, Santi Domínguez sinalou que se recuperaron boa parte das lousas de pedra existentes, "ao igual que no resto das rúas" colocándoas nunhas bandas laterais paralelas as fachadas, e respectando o despiece orixinal. A pavimentación fíxose con lousa de pedra de espesor suficiente para resistir o tráfico rodado.
O nacionalista destacou que se renovaron as instalacións de alumeado público, colocando luminarias novas de elevado rendemento e lámpadas de baixo consumo. Como novidade, ao respecto salientou que "por fin podemos ver iluminada a Colexiata con novas luminarias".
"Se os cidadáns e cidadás renovan a súa confianza en nós, no vindeiro mandato remataremos o proceso", asegurou. Ao seu xuízo, "agora toca" continuar coa rehabilitación de vivendas en colaboración co Consorcio do Casco Vello. Avanzou que proximamente haberá novas noticias positivas para o barrio, como a apertura da Pinacoteca nos vindeiros meses. "Despois do importante esforzo realizado non podemos parar", subliñou.