xoves, 20 dec 2007
Ante a presenza dunha ampla representación dos ámbitos políticos, empresariais, sociais e deportivos, o Centro Social Caixanova foi onte o escenario elixido para presentar a imaxe oficial coa que Vigo defenderá a súa candidatura para acoller a celebración da Universiada de Verán no ano 2013, proxecto que impulsa o tenente de alcalde, Santi Domínguez. Tamén onte se presentou diante do Consello Superior de Deportes o cuestionario obrigatorio esixido ás cidades candidatas, un documento de 238 páxinas ensamblado nun bloque de metacrilato.
martes, 23 out 2007
O tenente de alcalde, Santi Domínguez, mantivo este martes unha xuntanza co presidente da Confederación de Empresarios de Pontevedra (CEP), José Manuel Fernández Alvariño, e varios membros da xunta directiva da entidade, continuando así coa rolda de contactos que está mantendo cos diferentes colectivos sociais e económicos da cidade.
martes, 16 out 2007
O tenente de alcalde, Santi Domínguez, amosou hoxe a súa satisfacción polo compromiso adquirido polo vicepresidente da Xunta, Anxo Quintana, en relación aos investimentos que a Xunta de Galicia fará o vindeiro ano en Vigo vinculados ás áreas de goberno do BNG.
xoves, 11 out 2007
O tenente de alcalde, Santi Domínguez, presentou hoxe xoves as Xornadas da Tapa de Outono que organiza o Centro Comercial Aberto "Vigovello". Doce locais dos Casco Vello participarán nesta iniciativa, que se desenvolverá do 15 ao 31 de outubro e que consisten en ofrecer tapas ao simbólico prezo dun euro para acompañar a consumición. Tartaleta de castañas, filloas, crepe vexetal con xamón serrano ou mexillóns con fabas en salsa son algunhas das especialidades que se servirán durante estes días.
mércores, 10 out 2007
O tenente de alcalde, Santi Domínguez, anunciou hoxe mércores que nos orzamentos do Concello para o vindeiro ano se contemplan cerca de tres millóns de euros para distintos proxectos e actuacións no Casco Vello. Salientou que é o investimento máis importante que calquera goberno municipal ten destinado ao barrio histórico e é o mellor exemplo do compromiso que asumiu para que á rehabilitación integral do Casco Vello sexa desta volta unha realidade.
martes, 9 out 2007
O tenente de alcalde, Santi Domínguez, manifesta a súa preocupación ante a imposibilidade de que antes de fin de ano podase introducir a modificación no PXOM do 40% de vivenda protexida en todos os ámbitos de solo urbano non consolidado e solo urbanizable, segundo se desprende da reunión que mantivo hoxe martes co equipo redactor do plan de urbanismo.
luns, 8 out 2007
O Concello de Vigo establecerá un protocolo de colaboración coa Cámara Municipal de Albufeira para a promoción turística da nosa cidade nesa cidade do Algarve. Esta foi a principal conclusión do encontro que o tenente de alcalde, Santi Domínguez, mantivo este luns con representantes municipais da cidade lusa.
luns, 8 out 2007
El Ayuntamiento de Vigo establecerá un protocolo de colaboración con la Cámara Municipal de Albufeira para la promoción turística de nuestra ciudad en esa ciudad del Algarve. Ésta es la principal conclusión del encuentro que el teniente de alcalde, Santi Domínguez, mantuvo este lunes con representantes municipales de la ciudad lusa.
venres, 5 out 2007
O Consorcio do Casco Vello realizo hoxe venres o traspaso da presidencia de Jose Manuel Figueroa ó tenente de alcalde e novo presidente , Santi Domínguez, no decurso dunha reunión na que ademais se aprobou o prego de condicións para a rehabilitación e dúas vivendas por un importe de case 950.000 euros.
venres, 28 set 2007
<br />
O tenente de alcalde, Santi Domínguez, e os concelleiros de Cultura, Xesús López, e Deportes, Xabier Alonso, visitaron hoxe as instalacións deportivas do Mercantil para analizar as posibilidades que existen de chegar a algún tipo de acordo para a súa utilización en actividades promovidas desde o Concello de Vigo nás áreas de Deporte e Cultura. O obxectivo é que se inclúan tamén algunhas dependencias do edificio da rúa do Príncipe.<br />
