xoves, 18 set 2008
O tenente de alcalde, Santi Domínguez, trasladou hoxe o seu respaldo aos representantes da Federación de Asociacións de Veciños de Vigo "Eduardo Chao" a respecto da iniciativa popular que presentaron para que o Parlamento galego acepte debatir a Lei de Área Metropolitana de Vigo. Dominguez coincide coa Federación Veciñal en que non se pode retrasar máis un debate que é fundamental para o desenvolvemento futuro de Vigo e a súa área de influencia.
venres, 12 set 2008
O tenente de alcalde, Santi Domínguez, e o presidente da Autoridade Portuaria, Xesús Paz, inauguraron hoxe as Xornadas Marisqueiras "Vigomar 2008", nun acto no que o pregoeiro, o xornalista Jacobo Buceta, ensalzou as bondades do noso marisco e da nosa cociña frente as novas tendencias culinarias que se están impoñendo. Ata o domingo repartiranse unhas 60 toneladas de marisco.
mércores, 10 set 2008
O tenente de alcalde, Santi Domínguez, e o presidente do Porto, Xesús Paz, presentaron hoxe as VI Xornadas Gastronómicas e Marisqueiras "VigoMar 2008) que se desenvolverán os días 12, 13 e 14 deste mes no Porto Pesqueiro do Berbés. Os organizadores explicaron que se poderán degustar ata 42 variedades de mariscos e tamén se incorporan nesta edición algúns pescados. Estímase que durante os tres días das Xornadas se repartan unhas 60 toneladas de marisco.
martes, 9 set 2008
Os tenentes de alcalde de Vigo, Santi Domínguez, e Ourense, Alexandre Sánchez Vidal, expresaron hoxe o seu convencemento de que será necesario un investimento superior ao 8% previsto polo Goberno central nos orzamentos destinados a Galiza para que se poidan cumprir os prazos da chegada do AVE as dúas cidades. Domínguez e Sáchez Vidal manifestaron o seu apoio aos alcaldes de Vigo e Ourense en todas aquelas iniciativas que leven adiante para esixir o cumprimento dos compromisos feitos.
venres, 5 set 2008
O tenente de alcalde, Santi Domínguez, amosou hoxe o seu convencemento de que o novo curso que agora se inicia consolidará a acción do Goberno coa posta en marcha dos grandes proxectos e investimentos. "Como Goberno o 2009 ten que ser o ano de elevar o listón. Temos que acelerar porque a cidadanía xa intúe que hai un Goberno maduro que agora ten que entrar na concreción", sinalou o tenente de alcalde nun almorzo de traballo que mantivo hoxe cos medios de comunicación da cidade.
mércores, 3 set 2008
O tenente de alcalde, Santi Domínguez, presentou hoxe Stockaxe, a primeira Feira de Liquidacións de Stocks do comercio de Vigo, salientando que en tempos de crise é fundamental poñer en marcha medidas que contribúan á dinamización dos sectores económicos como é o pequeno e mediano comercio. Stockaxe celebrarse no Ifevi os días 18 e 19 de outubro organizado po FECOVI e co apoio das asociacións de comerciantes de Vigo.
luns, 1 set 2008
O tenente de alcalde, Santi Domínguez, inaugurou hoxe a primeira edición da festa romana "Vicus Romanorum", que se desenvolverá ata o vindeiro domingo no Casco Vello. O tenente de alcalde salientou que esta festa nace co dobre obxectivo de recuperar unha parte moi importante da historia da cidade como foi a romanización e ao tempo que contribuir á revitalización do Casco Vello, convertindoo nun foco de atración cultural, lúdica e turística. "Recreando situacións como as que se van vivir no Casco Vello nos vindeiros días xeramos un atractivo máis para o barrio", explicou.
martes, 19 ago 2008
A Tenencia de Alcaldía e a Concellería de Igualdade incrementarán os seus orzamentos para o vindeiro exercicio co obxectivo de impulsar a loita contra a violencia de xénero e ampliar as medidas que xa se están a desenvolver dende o Concello de Vigo. <br />
luns, 18 ago 2008
O tenente de alcalde, Santi Domínguez, salientou este luns a importancia de ofrecer apoio específico durante o verán ás familias e as persoas con discapacidade. Así o subliñou durante a visita que realizou á primeira edición do campamento "Agosto de Lecer 2008", organizado pola Tenencia de Alcaldía e a Concellería de Benestar Social en colaboración con Pasovigo, entidade que integra as diferentes asociacións de persoas con discapacidade de Vigo.
xoves, 14 ago 2008
O presidente do Consorcio do Casco Vello e tenente de alcalde do Concello de Vigo, Santi Domínguez, anunciou este xoves que a semana que vén abrirase o prazo para participar no curso de formación dos coidadores de barrio do Casco Vello co obxectivo de que este programa esté en marcha a finais de outubro. Santi Dominguez realizou este anuncio tras a sinatura dun convenio de colaboración co presidente da Asociación Veciñal e Cultural Casco Vello, Henrique Macías.
