mércores, 1 dec 2010
O tenente de alcalde, Santi Domínguez, anunciou hoxe que o alumeado de Nadal, que se inaugurará o vindeiro venres, mantén os criterios dos últimos anos nos que se tratou de conxugar o feito de que chegara a toda a cidade, xa que nunca antes se instalara en todas as parroquias; ao tempo que se sigue apostando polas zonas comerciais e se mantén o aforro enerxético. O nacionalista apuntou que o investimento mantense nos 200.000 euros que se destinaron o ano pasado.
martes, 30 nov 2010
O tenente de alcalde, Santi Domínguez, presentou este martes o espectáculo Mickey's Music Festival, que traerá ao Ifevi aos clásicos de Disney do 2 ao 5 de decembro, cuns prezos que oscilan entre os 18 e os 27 euros. O nacionalista destacou que é un espectáculo destinado ao goce dos nenos e nenas e, en xeral, do público familiar, co que a Tenencia de Alcaldía da a saída a súa programación navideña
xoves, 18 nov 2010
O tenente de alcalde, Santi Domínguez, inaugurou este xoves a remodelación do contorno da Praza de Diego Santos, que contou cun investimento de 261.000 con cargo ao Plan FEIL. O nacionalista afirmou que coas obras realizadas devólvese "un espazo emblemático aos veciños e veciñas de Bouzas" e expresou o seu compromiso de seguir traballando polo barrio co inicio do proceso de compra da Casa do Patín e novas humanizacións, como a rúa Ferreiros.
mércores, 17 nov 2010
O tenente de alcalde, Santi Domínguez, participou hoxe na entrega de premios da quinta edición do Concurso de Tapas do Casco Vello, que recaíron na Cafetería-Bar XII, o restaurante A Curuxa, que acadou tamén o premio á mellor presentación, e o Restaurante Picadillo. Expresou a súa satisfacción tanto polo aumento de establecementos participantes, que foron 18 nesta edición, como polos clientes que este ano achegáronse en maior número ao Casco Vello. O responsable de Cascos Histórico afirmou que esta iniciativa é "un paso máis" na aposta pola dinamización do barrio.
mércores, 17 nov 2010
O tenente de alcalde, Santi Domínguez, mantivo este mércores unha xuntanza coa Plataforma pola Defensa da Sanidade Pública, tra a cal manifestou a preocupación do BNG polo afán privatizador do PP dende que chegou á Xunta de Galiza. Asegurou que está en xogo "o dereito universal da cidadanía a recibir atención sanitaria libre e gratuíta", polo que fixo un chamamento a "acudir en masa" á manifestación que terá lugar o vindeiro domingo, 21 de novembro en Santiago, en defensa da sanidade pública.
martes, 16 nov 2010
O tenente de alcalde e presidente do comité executivo da Fundación Vigo Convention Bureau, Santi Domínguez, salientou este martes a "boa saúde" coa que conta este organismo, ao ter acadado en nove meses os 70 socios colaboradores, obxectivo que tiña marcado para os tres vindeiros anos. O nacionalista anunciou a incorporación da Asociación de Hosteleiros de Vigo (Ahosvi) e da empresa encargada da xestión do Pazo de Congresos (Congrevigo) ao Padroado do Convention Bureau e o peche dun orzamento de 187.000 euros para 2011.
martes, 9 nov 2010
O tenente de alcalde, Santi Domínguez, asistiu este martes, xunto ao concelleiro de Cultura, Xesus López, o inicio dos traballos de retirada do escudo e as incricións preconstitucionais do frontón da Casa das Artes. O nacionalista salientou que tras o remate deste proxecto, nun mes aproximadamente, a Casa das Artes "vai ser símbolo da liberdade e a democracia", ao supora a eliminación da simboloxía franquista un paso máis na recuperación da memoria histórica.
xoves, 4 nov 2010
O tenente de alcalde, Santi Domínguez, inaugurou este xoves a reforma da Subida ao Castelo e a súa extensión cara a rúa Hortas, que permitirá que a recuperación da superficie do Casco Vello remate antes do previsto. Segundo destacou o nacionalista, con esta actuación, que supuxo un investimento de 184.000 euros nunha superficie total de 460 metros cadrados, a recuperación do entramado viario do barrio histórico iniciado hai tres anos "é xa unha realidade" e seguirase traballando na rehabilitación de inmobles.
xoves, 4 nov 2010
O tenente de alcalde, Santi Domínguez, amosou hoxe a súa satisfacción pola reanudación hoxe do servizo de Coidadores de Barrio do Casco Vello, tras a súa constitución en cooperativa. O nacionalista, que durante a súa etapa como presidente do Consorcio do Casco Vello puxo en marcha os Coidadores de Barrio, salientou que se cumpre así o dobre obxectivo co que se creou esta figura. Por unha banda a zona histórica continúa dispoñendo dun servizo que atende ás necesidades do barrio e da veciñanza e por outra foméntase o autoemprego das persoas que inicialmente foron contratadas.
venres, 29 out 2010
O tenente de alcalde, Santi Domínguez, entregou este venres os diplomas aos alumnos e alumnas de Maxisterio participantes no programa de formación sobre prevención de drogodependencias que impulsa a Concellería de Benestar Social. No acto, o nacionalista expresou a súa confianza en que a formación recibida séxalles útil para dar resposta aos retos cos que se enfrontan os mestres, como situacións de violencia, desarraigo, absentismo escolar, desautorizacións ou uso inadecuado das novas tecnoloxías.
