Santi Domínguez destaca o acordo cos usuarios do Porto en que non sexa trampolín político e esixir o Plan de Usos

xoves, 15 xul 2010

O tenente de alcalde, Santi Domínguez, salientou este xoves o acordo existente entre o BNG e os usuarios do Porto respecto a dúas cuestións fundamentais como son a necesidade de que esta institución fundamental para a cidade conte co Plan de Usos e que non se utilice como "trampolín político". O nacionalista explicouno tras a xuntanza que mantivo con este colectivo, no que tamén houbo acordo en que a importancia económica do Porto é preciso conxugala coa preservación da ría.

Santi Domínguez presenta Vigosónica, nome e imaxe dos novos locais de ensaio, e confirma a súa apertura en 2011<br />

xoves, 15 xul 2010

O tenente de alcalde, Santi Domínguez, e a concelleira de Xuventude, Iolanda Veloso, presentaron este xoves a imaxe do complexo de actividades musicais, que se denominará Vigosónica. A nova infraestrutura musical estase a construir nas inmediacións no parque tecnolóxico de Beade-Valadares e as obras van a "gran ritmo", polo que a súa apertura se realizará no primeiro trimestre de 2011, "mantendo os prazos previstos", afirmou Iolanda Veloso.

O tenente de alcalde anuncia que Candeán, Saiáns e Zamáns terán cinco roteiros para poñer en valor o seu patrimonio

xoves, 8 xul 2010

O tenente de alcalde, Santi Domínguez, e o concelleiro de Patrimonio Histórico, Eudosio Álvarez, presentaron este venres o proxecto das áreas etnoarqueolóxicas para as parroquias de Candeán, Saiáns e Zamáns, que se desenvolverá con cargo ao Plan Feil cun orzamento de máis de 130.00 euros. Segundo destacou o tenente de alcalde, o obxectivo principal da actuación consiste en conservar e poñer en valor o contorno paisaxístico e arqueolóxico destes tres ámbitos para vertebralos co resto de atractivos turísticos de Vigo.

O tenente de alcalde anuncia que Vigo acollerá o Red Bull Autos Locos o 19 de setembro con 80 participantes

mércores, 7 xul 2010

O tenente de alcalde, Santi Domínguez, presentou este mércores o Red Bull Autos Locos, que se disputará polo centro de Vigo o vindeiro 19 de setembro. Serán seleccionados un total de 80 participantes entre as máis de 500 solicitudes xa presentadas ata o momento. O nacionalista salientou que a fama de que Vigo "sabe organizar" pesou á hora de elixila como cidade na que terá lugar o evento, que será a segunda vez que se celebre no Estado español.

Tenencia e Benestar destinan 109.000 euros ao Secretariado Xitano para potenciar a igualdade de oportunidades

mércores, 7 xul 2010

O tenente de alcalde, Santi Domínguez, e a concelleira de Benestar Social, María Méndez, presentaron este mércores a renovación do convenio de colaboración co Secretariado Xitano, que este ano ascende a 110.000 euros. Os nacionalistas destacaron que esta iniciativa significa a "aposta clara pola igualdade de oportunidades para todos e todas na nosa cidade", e que permitirá desenvolver actuacións para erradicar o chabolismo e nos eidos da educación, a sanidade e a participación cidadá.

Santi Domínguez asegura que Vigo pode presumir do 14 de xullo ao 14 de agosto "das mellores festas de Galiza"

martes, 6 xul 2010

O tenente de alcalde, Santi Domínguez, definiu as Festas de Verán 2010 que presentou hoxe xunto ao concelleiro de Cultura, Xesus López, como unha programación de "calidade, variada e diversificada" . O nacionalista asegurou que do 14 de xullo, co concerto de Norah Jones, ao 14 de agosto co peche que porá Mika, "Vigo pode presumir de ter as mellores festas de verán de Galiza". Salientou tamén que pese a redución do orzamento "conseguimos manter o nivel".

Santi Domínguez afirma que a mostra "O galego noutros mundos" amosa a dimensión internacional da nosa lingua

venres, 2 xul 2010

O tenente de alcalde, Santi Domínguez, inaugurou este venres no museo Verbum a exposición "O galego noutros mundos", que se poderá ver ata o 31 de agosto, en horario de 10 a 21 horas. No acto destacou que a mostra pon de manifesto a "dimensión aberta e internacional da nosa lingua", xa que permite a comunicación con máis de 250 millóns de persoas de todo o mundo