O tenente de alcalde inaugura a mostra "Vigo, cidade do mar amado" como presentación da cidade para os visitantes

venres, 22 out 2010

O tenente de alcalde, Santi Domínguez, participou este venres na inauguración da exposición "Vigo, cidade do mar amado", que durante os vindeiros seis meses poderase contemplar na Praza dos Fundadores (anexa a A Pedra). O tenente de alcalde salientou que a mostra forma parte do proxecto "Recursos turísticos para cruceiristas: exposición e itinerarios", do Plan de Competitividade Turística, e que está concebida como unha presentación da cidade aos visitantes.

Tenencia e Benestar destinan 70.000 euros para dous proxectos de cooperación en Mozambique e Cabo Verde

xoves, 21 out 2010

O tenente de alcalde, Santi Domínguez, e a concelleira de Benestar Social, María Méndez, asinaron dous convenios de colaboración co presidente do Fondo Galego de Cooperación e Solidariedadel, Alfredo Novoa, para desenvolver dous proxectos en Mozambique e Cabo Verde cun importe de de 70.000 euros. O nacionalista afirmou que este convenio amosa que o Concello de Vigo "segue fiel ao seu compromiso solidario para desenvolver programas coas persoas máis necesitadas e menos favorecidas" xa que nos últimos tres anos duplicouse as partidas destinadas á cooperación.

O tenente de alcalde pon en valor o labor da Asociación Parkinson Vigo no seu sétimo aniversario

martes, 19 out 2010

O tenente de alcalde, Santi Domínguez, salientou hoxe o "impagable" labor que desenvolve o Asociación Parkinson Vigo, que celebrou hoxe o seu sétimo aniversario. No acto de inauguración da xornada, no que tamén participou a concelleira de Benestar Social, o nacionalista dixo que "foron sete ano de solidariedade, de entrega e de vencer a soidade que xera unha enfermidade que no fai que nos afastemos da xente que nos rodea".

Santi Domínguez salienta que o Concurso de Tapas permite comprobar o esforzo pola recuperación do Casco Vello

martes, 19 out 2010

O tenente de alcalde, Santi Domínguez, visitou hoxe a degustación gratuíta do Concurso de Tapas do Casco Vello, na que se distribuíron un total de 3.000 pinchos. O nacionalista salientou que esta iniciativa "permite comprobar o esforzo que estamos a facer por reconquistar o Casco Vello", por parte das diferentes áreas do BNG no goberno, así como a veciñanza e os comerciantes do barrio histórico.

O tenente de alcalde destaca a importancia da formación dos mestres na prevención das drogodependencias

luns, 18 out 2010

O tenente de alcalde, Santi Domínguez, salientou este luns a importancia de que os mestres e mestras conten cunha formación específica para "dar resposta aos novos retos que presenta a educación na actualidade" no eido da prevención das drogodependencias. Afirmouno na visita que realizou xunta á concelleira María Méndez a un dos cursos de formación que impulsa a Concellería de Benestar Social dentro do plan de prevención das drogodependencias e que se desenvolve na Escola de Maxisterio.

Santi Domínguez presenta as melloras no acceso ao xacemento do Castro, que supera xa as 27.000 visitas

venres, 15 out 2010

O tenente de alcalde, Santi Domínguez, asegurou este venres que as 27.000 persoas que pasaron polo xacemento de O Castro dende a súa apertura o avalan como "referente da oferta cultura de Vigo". O nacionalista manifestouno tras a visita que realizou ao contorno do xacemento para comprobar as melloras realizadas no seu acceso, e na que tamén participaron o concelleiro de Patrimonio Histórico, Eudosio Álvarez, e a concelleira de Benestar Social, María Méndez.

Santi Domínguez anuncia que a Praza da Princesa acollerá o sábado unha mostra e unha charla polo Día Mundial do Pan

xoves, 14 out 2010

O tenente de alcalde e concelleiro de Comercio, Santi Domínguez, presentou hoxe as actividades que o vindeiro sábado 16 de outubro acollerá a Praza da Princesa con motivo do Día Mundial do Pan, que incluirán unha exposición de diferentes tipos de pan, degustacións e unha charla a cargo da experta nutricionista Carolina Nebot. Segundo o nacionalista, o obxectivo desta convocatoria é potenciar o consumo deste produto, pero tamén amosar o apoio ao sector das panaderías, que en Vigo e a súa área suman 248 establecementos.

O tenente de alcalde anuncia que en decembro comezará a construción do pavillón de Candeán e o Centro de Fotografía

xoves, 14 out 2010

O tenente de alcalde, Santi Domínguez, manifestou este xoves a súa satisfacción porque o BNG "segue cumprindo os seus compromisos electorais" coa aprobación na Xunta de Goberno de hoxe das licitacións para a construción do polideportivo de Candeán e do Centro Galego de Fotografía, cun investimento global superior aos 3,3 millóns de euros. O nacionalista anunciou que as obras destas dúas actuacións emblemáticas comezarán no mes de decembro.

Santi Domínguez anima a participar na Marcha Aspanaex do domingo para avanzar na igualdade de oportunidades

venres, 1 out 2010

O tenente de alcalde, Santi Domínguez animou hoxe á cidadanía viguesa a participar na Marcha Aspanaex que terá lugar o vindeiro domingo, 3 de outubro, con saída ás 10.30 horas do parque de Castrelos. O nacionalista salientou que non se trata dun evento deportivo ou social, senón un "evento do corazón" que debe lembrar que "o obxectivo polo que traballamos é a igualdade de oportunidades".

O tenente de alcalde di que hai mellores opcións para o atraque do transporte de ría que a elixida polo Porto

martes, 28 set 2010

O tenente de alcalde, Santi Domínguez, solicitará unha entrevista coa presidenta da Autoridade Portuaria para abordar a situación dos usuarios do transporte de ría tras a decisión do cambio do atraque. O nacionalista, que mantivo hoxe unha reunión coa Plataforma polo Transporte de Ría, afirma que hai outras posibilidades que causarían menos incomodidades aos viaxeiros.