O Consello Municipal da Muller apoia a construción do centro de emerxencia social no barrio de Ribadavia
O Consello Municipal da Muller expresou na súa última xuntanza o seu apoio ao proxecto para a construción do Centro Social de Atención Continuada de Vigo no barrio de Ribadavia. O texto recolle que este organismo respaldou a proposta da súa presidenta, a concelleira de Igualdade, Iolanda Veloso, por unanimidade de todas as participantes na reunión.
Nesta xuntanza do Consello participaron representantes do grupo municipal do PP, do grupo municipal do PsdeG-PSOE, a asociación de mulleres Dorna, a Rede de Mulleres Veciñais contra os Malos Tratos, o colectivo Violeta, a Vogalía da Muller da Federación Veciñal "Eduardo Chao", a Secretaría da Muller da UGT e a Secretaría da Muller do STEG.