martes, 6 mai 2003
O alcalde, Lois Castrillo, recibiu ás participantes do II seminario "Emprego e cidadanía activa das mulleres", no que participa a Concellería da Muller. Mediante un convenio con "Ovarias", froito dun proxecto europeo, crearase unha empresa de servicios e atención ás necesidades familiares.
luns, 5 mai 2003
O programa municipal "O Noso Tempo" clausúrase coa décima exposición de traballos de mulleres veciñais de Vigo que se inaugurará o 8 de maio no local da federación "Eduardo Chao", na praza da Princesa.
mércores, 30 abr 2003
O II seminario "Emprego e cidadanía activa das mulleres", no que participa a Concellería da Muller, celebrarase do 5 ao 9 de maio en Vigo.
venres, 25 abr 2003
O alcalde e a concelleira da Muller presidirán o descubrimento da placa conmemorativa a Olimpia Valencia, primeira muller licenciada en Medicina en Galicia, na rúa do Príncipe nº 11, no inmoble que albergou a primeira consulta da doutora.
mércores, 23 abr 2003
A Concellería da Muller colabora con Edicións Xerais na publicación de "Alba de Mulleres", para a súa distribución entre os colectivos de mulleres, bibliotecas, institutos e colaboradores deste departamento.
luns, 21 abr 2003
A concelleira da Muller, Ana Gandón, e a directora da revista "A Festa da Palabra", María Xosé Queizán, presentaron un certame de investigación sobre as operarias de "La Artística" de Vigo, dotado con 4.200 euros e maila publicación do estudio.
luns, 14 abr 2003
O traballo, que incluíu a valoración do I Plan municipal para a igualdade de oportunidades, deseñou accións aplicables consonte ás competencias municipais e a situación de partida. A elaboración do II Plan realizouse por mor do convenio de colaboración co departamento de Socioloxía da Universidade de Vigo. A concelleira de Muller, Ana Gandón, mailas redactoras do proxecto, Amada Traba e Luz Varela presentaron o texto do que se editaron 2.000 exemplares.
martes, 25 mar 2003
A concelleira da Muller, Ana Gandón, presentou a memoria do servicio de atención domiciliaria á infancia mediante un convenio asinado con Mulleres Progresistas que quere facer compatible a vida laboral e familiar.
luns, 24 mar 2003
A concelleira da Muller, Ana Gandón, entregoulle o IV Premio de novela Mulleres progresistas á gañadora María Reimóndez pola obra "Caderno de Bitácora".
mércores, 19 mar 2003
A concelleira Ana Gandón explicou a memoria do Centro municipal de información dos dereitos da muller que atendeu no ano pasado a 990 mulleres que requiriron programas de información e asesoramento xurídico, social e psicolóxico.