O tenente de alcalde, Santi Domínguez, sinalou hoxe na presentación da Vigo Cool Night que iniciativas deste tipo son moi importantes para conseguir que Vigo abra novos mercados turísticos que permitan a desestacionalización do sector. "Hai que buscar novas vías para buscar novos mercados", afirmou, ao tempo que animou ao sector a seguir por este camiño.
O tenente de alcalde e concelleiro de Comercio, Santi Domínguez, destacou este venres a consolidación da feira Stockaxe, que na súa terceira edición xa manexa cifras similares á celebrada o ano pasado, con case 70 firmas confirmadas a dúas semanas do seu comezo. O evento, que terá lugar no Ifevi os días 16 e 17 de outubro espera superar tamén as cifras de visitantes, que no 2009 chegaron aos 22.000.
O vindeiro domingo 3 de outubro terá lugar a segunda edición do mercado de produtos tradicionais galegos, que se as condicións climatolóxicas o permiten terá lugar de 11 a 14 horas no Paseo de Alfonso, segundo informa a Concellería de Patrimonio Histórico. Porén, se non fose posible a celebración no seu lugar orixinal, trasladarase á Praza da Constitución.
O tenente de alcalde, Santi Domínguez, mantivo hoxe unha xuntanza coa directiva do mercado do Progreso para avaliar o inicio das obras que cun investimento de 4,5 millóns de euros van permitir a completa reforma e modernización das instalacións. O nacionalista explicou que estes encontros manterase periodicamente mentres duren os traballos para ir poñendo en común as necesidades que podan ir xurdindo "nunha reforma tan importante como a que acabamos de iniciar".
O tenente de alcalde, Santi Domínguez, asistiu hoxe ao inicio das obras de reforma do mercado do Progreso que contan cun investimento de 4,5 millóns de euros. O nacionalista salientou que este é un proxecto que se empeza a facer realidade, cumprindo así un máis dos compromisos adquiridos polo BNG. As obras desenvolveranse en diferentes fases, empezando pola construción dun mercado provisional.
O tenente de alcalde e concelleiro de Comercio, Santi Domínguez, anunciou este luns que a terceira edición da Feira de Liquidación de Stocks, Stockaxe, se celebrará no Ifevi os días 16 e 17 de outubro. Na presentación, na que tamén participou a presidenta de Fecovi, Encarna Álvarez, o nacionalista destacou que se agarda unha cifra de visitantes de 30.000 persoas, superando así os 25.000 visitantes da pasada edición, que tivo un volumen de negocio dun millón de euros.
O tenente de alcalde e concelleiro de Comercio, Santi Domínguez, anunciou este venres a posta en marcha dun centro comercial virtual e un sistema de fidelización dirixido ao pequeno e mediano comercio vigués. Destacou que este proxecto, no que poderán participar gratuitamente todos os establecementos que o soliticten, e outro no eido do deporte, son as únicas actuacións que se desenvolverán en Vigo dentro do Plan FEIL en relación ao acceso ás novas tecnoloxías.
O tenente de alcalde e concelleiro de Comercio, Santi Domínguez, presentou este venres a Axenda dos Mercados Municipais de Vigo, unha iniciativa que se enmarca na aposta polo pequeno e mediano comercio da cidade. Segundo explicou o concelleiro, 4.000 exemplares da axenda serán distribuidos en todos os postos dos sete mercados municipais, para dotar aos vendedores dun "instrumento para difundir e dar a coñecer" estes establecementos municipais.
O tenente de alcalde, Santi Domínguez, asegurou este mércores que antes de fin de ano se poñerán en circulación 1.200.000 euros correspondentes ás axudas convocadas pola Tenencia de Alcaldía e a Concellería de Comercio destinadas ás familias con menos recursos e aos establecementos comerciais da cidade. Nunha primeira valoración tras o remate do prazo das dúas convocatorias, o nacionalista anunciou que os cartos das axudas que queden sen distribuír ás familias serán doados aos distintos comedores sociais de Vigo, coa condición de que realicen as súas compras no pequeno e mediano comercio da cidade.
O tenente de alcalde, Santi Domínguez, anunciou este martes que o custo do alumeado do Nadal 2009-2010 supón un aforro de aproximadamente 100.000 euros respecto ao ano pasado. Segundo afirmou o concelleiro, os 200.000 euros cos que conta este ano de orzamento son "razonables", permiten que todas as parroquias teñan puntos de alumeado, e sobre todo, favorece que se poida destinar orzamento a iniciativas que teñen por obxectivo paliar as consecuencias da crise económica no pequeno e mediano comercio da cidade.