martes, 21 out 2008
O tenente de alcalde, Santi Domínguez, destacou o papel que desempeñan os produtos de calidade na promoción de Galiza no exterior. O nacionalista así o subliñou no acto de inauguración do quinto Salón de Delicatessen e Denominacións de Orixe, que tivo lugar este martes no Instituto Feiral de Vigo e no que están representadas máis de catrocentas marcas, arredor de sesenta expositores directos e unha veintena de denominacións de orixe.
venres, 10 out 2008
O IFEVI acollerá os días 18 e 19 de outubro "Stockaxe", a primeira feira de liquicacións de stocks do comercio vigués, segundo anunciou este venres o tenente de alcalde e concelleiro de Comercio, Santi Domínguez. "É unha boa forma de axudar ao comercios nestes momentos de crise, e paliar os efectos dunha temporada de verán regular tirando a mala", salientou o tenente de alcalde na presentación do evento, na que tamén participou a presidenta da Federación do Comercio de Vigo (FECOVI), Encarna Álvarez.
mércores, 1 out 2008
O Concello de Vigo porá en marcha o primeiro Plan Estratéxico dos Mercados Municipais, segundo anunciou este mércores o tenente de alcalde, Santi Domínguez no acto de celebración do centenario do mercado do Progreso. No transcurso do acto, no que se descubriu unha placa conmemorativa, tanto a directora xeral para o Comercio, Ana Rúa, como o alcalde da cidade, Abel Caballero, e o tenente de alcalde, Santi Domínguez, coincidiron en subliñar a importancia deste acontecemento, que amosa a potencialidade de Vigo e o seu pequeno e mediano comercio.
venres, 26 set 2008
A X Feira Internacional dos Produtos do Mar Conxelados terá lugar entre o 7 e o 9 de outubro no recinto ferial de Vigo (IFEVI). O acto inaugural contará coa presenza do Comisario europeo de Pesca, Joe Borg, a Ministra de Medio Ambiente, Medio Rural e Mariño, Elena Espinosa, a Conselleira de Pesca, Carmen Galego, o Alcalde de Vigo, Abel Cabaleiro, e o resto de autoridades. A inauguración terá lugar no Auditorio do IFEVI o vindeiro martes 7 de outubro, ás 17.15 horas.
luns, 8 set 2008
O tenente de alcalde, Santi Domínguez, inaugurou hoxe unha nova edición da Festa do Comercio que nesta ocasión terá como escenario a zona de As Travesas. Ao longo de toda a semana haberá actividades, concursos e obradoiros na Praza do Emigrante co obxectivo de dinamizar e facer atraínte á zona a nivel comercial.<br />
xoves, 24 xul 2008
O Casco Vello celebrará por primeira vez unha Mostra de Artesanía e Gastronomía do 8 ao 16 de agosto, nunha aposta por dinamizar o barrio e ofrecer un carácter popular a estas datas <br />
<br />
venres, 27 xuñ 2008
No marco das diversas iniciativas que está a desenvolver o Concello de Vigo para dinamizar o Casco Vello, entre o 27 de xuño e o 13 xullo trece locais do barrio histórico da cidade participarán na terceira edición do Concurso de Tapas, cun prezo dun euro cada unha.
mércores, 25 xuñ 2008
No marco das diversas iniciativas que está a desenvolver o Concello de Vigo para dinamizar o Casco Vello, entre o 27 de xuño e o 13 xullo trece locais do barrio histórico da cidade participarán na terceira edición do Concurso de Tapas, segundo anunciou este mércores o tenente de alcalde, Santi Domínguez. "Nestas xornadas ofertaránse racións de variada elaboración, segundo o elixido por cada local, cun prezo dun euro cada unha", explicou o tenente de alcalde.
venres, 20 xuñ 2008
Máis de 200 reunións de traballo entre 25 empresas latinoamericanas e 70 viguesas e galegas conforma o programa do primeiro Encontro Empresarial entre Galicia e América que comeza o domingo, 22 de xuño, según anunciou hoxe o tenente de alcalde, Santi Domínguez. Trátase dunha iniciativa froito do traballo conxunto entre a Concellería de Comercio, Industria e Comercio, a Confederación de Empresarios de Pontevedra, e a Cámara de Comercio, entre outras entidades, e que conta co apoio da Xunta de Galicia, que se desenvolverá na cidade ata o vindeiro 25 de xuño, cando os empresarios voltarán aos seus países de orixe.
venres, 20 xuñ 2008
A conexión Vigo-Londres-Vigo comeza a operar mañá, 21 de xuño, cunha ocupación no seu vóo inaugural do 70 por cento, segundo anunciaron este venres o tenente de alcalde, Santi Domínguez, e o director xeral de Turismo da Xunta, Rubén Lois. O vóo, que ten prevista a saida do aeroporto vigués ás 17 horas e a súa chegada ás 21.40 horas, será o primeiro das tres conexións semanais entre Peinador e Gatwick, os martes, os xoves e os sábados.<br />
