xoves, 30 set 2010
O concelleiro de Mobilidade avanzou hoxe xoves esta medida na presentación das I Xornadas sobre Sistemas Intelixentes de Transporte en Galicia, a celebrar mañá en Vigo. Ademais de taxis e buses, o que chamarase carril verde poderá empregarse por coches con máis dun ocupante e tamén por vehículos eléctricos, híbridos e pouco contaminantes, que están exentos de taxas municipais. Esta alternativa entrará en vigor este ano, será experimental e estudarase a súa aplicación noutros puntos da cidade.
luns, 27 set 2010
Os votos do goberno local aprobaron a modificación da ordenanza da Xestión do Estacionamento Regulado (XER), a chamada zona azul, para que os infratores sancionados por non ter tique ou por superar o máximo de dúas horas de estacionamento permitido poidan evitar a sanción de 30 e 45 euros con pagos de 5 e 7 euros, respectivamente, na primeira hora despois da sanción. "Queremos facilitar as cousas", asegurou o concelleiro de Mobilidade, Xulio Calviño.
mércores, 22 set 2010
Este mércores, 22 de outubro, Europa celebra o día sen coche, data pola que Abel Caballero animou á cidadanía viguesa a desprazarse a pé en traxectos curtos ou en autobús en percorridos máis longos e, en caso de empregar o vehículo privado, utilizalo de modo efiente pois o aforro pode chegar ao 15% do combustible.
martes, 21 set 2010
O alcalde, Abel Caballero, e o Valedor do Cidadán, Luis Espada, presentaron este martes unha publicación dirixida polo profesor sobre aparcadoiros disuasorios na cidade. Sobre unha base dunhas 1.000 enquisas, o traballo reflicte o apoio cidadá á instalación destes en Vigo sempre e cando sexa gratuito e vixilado, e conte cunha alta frecuencia de autocares.
luns, 20 set 2010
O alcalde, Abel Caballero, informou hoxe luns da decisión tras manter unha reunión cos técnicos municipais e constatar que a rotonda da Gran Vía, á altura de Tarragona e o centro comercial, non está a dar resultado. O Concello testará un novo sistema regulado por semáforos que dará maior prioridade aos vehículos que circulan pola Gran Vía sobre os accesos á mesma.
No marco da Semana europea da mobilidade
luns, 13 set 2010
O alcalde de Vigo, Abel Caballero, e o director de programas da Fundación RACC presentaron hoxe luns esta iniciativa pola que Vigo adhírese á promoción de hábitos e boas prácticas para minimizar o impacto ambiental dos automóbiles e estimular o aforro enerxético.O 86% dos españois móstranse preocupados polos temas de protección do medio ambiente, un 5% máis que o 2007. Aínda así existe unha marxe de mellora xa que máis da metade dos enquisados non estarían dispostos a comprar un vehículo ecolóxico se iso representa un incremento do prezo de compra.
luns, 13 set 2010
O alcalde de Vigo informou hoxe luns que o vindeiro mércores, 22 de setembro, o Concello de Vigo sumarase un ano máis ao Día sen Coche coa gratuidade de nove liñas do bus urbano: serán as rutas C6, 14, 17, 18, 20, 21, 25, 28 e 29, priorizando por tanto o emprego do transporte colectivo nas parroquias da cidade.
luns, 13 set 2010
O alcalde de Vigo, Abel Caballero, sinalou este luns que o goberno aprobou o proxecto de modificación da Xestión do Estacionamento Regulado (XER), a chamada zona azul, polo que os sancionados poderán evitar a multa de ata 45 euros con pagos de 2,3 euros, 5 ou 7 euros, dependendo do tipo de infracción. O alcalde explicou a rebaixa afirmando que "en absoluto" este sistema "ten unha función recadatoria" senón que procura unha "mellor circulación"
venres, 10 set 2010
Abel Caballero rexeitou hoxe venres que o Concello de Vigo subvencione parte do custo do transporte metropolitano por ser competencia do goberno autonómico e sentenciou que "os impostos dos cidadáns de Vigo son para as necesidades dos cidadáns de Vigo". O alcalde ofreceuse a dar este servizo se a Xunta transfire as competencias e o financiamento correspondente ao Concello.
mércores, 8 set 2010
O alcalde, Abel Caballero, e o concelleiro de Seguridade, Xulio Calviño, presentaron este mércores dous novos camións para o servizo de bombeiros, cun investimento de 550.000 euros. O rexedor fixo balance dos investimentos neste servizo nos tres anos de mandato, cifra que supera os 3 millóns de euros, e anunciou a creación de 17 novas prazas.
