O alcalde, Abel Caballero, acudiu na mañá deste venres ao Centro de Saúde de Coia, onde se imparte clases do curso de Sistemas de Retención Infantís para futuros pais e nais. O rexedor invitou a cidadanía a anotarse nesta formación vial que ensina as medidas de seguridade para o bebé e o posicionamento do carrito nos vehículos.
O alcalde recibiu este xoves a unha representación da asociación Ardies (Asociación rexional para o desenvolvemento das infraestruturas económicas e de desenvolvemento no departamento de Yvelines), que cada dous anos organiza unha viaxe de estudios destinado a cargos electos de órganos territoriais, tales coma deputados, senadores, conselleiros xerais, alcaldes, tenentes de alcalde e concelleiros de urbanismo, así coma aos seus colaboradores.
O alcalde de Vigo, Abel Caballero, e o delegado do Goberno en Galicia, Antón Louro, participaron este luns nos actos de homenaxe á Policía Nacional que anualmente celébranse o 4 de outubro. O rexedor vigués eloxiou a "dedicación" dos efectivos de seguridade do Estado que operan en Vigo e a coordinación da Policía Nacional coa Local.
O alcalde aludiu ao transporte como elemento central das economías modernas e puxo como exemplo a ponte de Rande, coma a gran infraestrutura viaria pero cun risco inminente de colapso que hai que resolver. "Hai que anticiparse as demandas da cidade; se non arrincamos a ampliación agora o sur de Galicia estará colapsado en 2012", afirmou
O concelleiro de Mobilidade avanzou hoxe xoves esta medida na presentación das I Xornadas sobre Sistemas Intelixentes de Transporte en Galicia, a celebrar mañá en Vigo. Ademais de taxis e buses, o que chamarase carril verde poderá empregarse por coches con máis dun ocupante e tamén por vehículos eléctricos, híbridos e pouco contaminantes, que están exentos de taxas municipais. Esta alternativa entrará en vigor este ano, será experimental e estudarase a súa aplicación noutros puntos da cidade.
Os votos do goberno local aprobaron a modificación da ordenanza da Xestión do Estacionamento Regulado (XER), a chamada zona azul, para que os infratores sancionados por non ter tique ou por superar o máximo de dúas horas de estacionamento permitido poidan evitar a sanción de 30 e 45 euros con pagos de 5 e 7 euros, respectivamente, na primeira hora despois da sanción. "Queremos facilitar as cousas", asegurou o concelleiro de Mobilidade, Xulio Calviño.
Este mércores, 22 de outubro, Europa celebra o día sen coche, data pola que Abel Caballero animou á cidadanía viguesa a desprazarse a pé en traxectos curtos ou en autobús en percorridos máis longos e, en caso de empregar o vehículo privado, utilizalo de modo efiente pois o aforro pode chegar ao 15% do combustible.
O alcalde, Abel Caballero, e o Valedor do Cidadán, Luis Espada, presentaron este martes unha publicación dirixida polo profesor sobre aparcadoiros disuasorios na cidade. Sobre unha base dunhas 1.000 enquisas, o traballo reflicte o apoio cidadá á instalación destes en Vigo sempre e cando sexa gratuito e vixilado, e conte cunha alta frecuencia de autocares.
O alcalde, Abel Caballero, informou hoxe luns da decisión tras manter unha reunión cos técnicos municipais e constatar que a rotonda da Gran Vía, á altura de Tarragona e o centro comercial, non está a dar resultado. O Concello testará un novo sistema regulado por semáforos que dará maior prioridade aos vehículos que circulan pola Gran Vía sobre os accesos á mesma.
O alcalde de Vigo, Abel Caballero, e o director de programas da Fundación RACC presentaron hoxe luns esta iniciativa pola que Vigo adhírese á promoción de hábitos e boas prácticas para minimizar o impacto ambiental dos automóbiles e estimular o aforro enerxético.O 86% dos españois móstranse preocupados polos temas de protección do medio ambiente, un 5% máis que o 2007. Aínda así existe unha marxe de mellora xa que máis da metade dos enquisados non estarían dispostos a comprar un vehículo ecolóxico se iso representa un incremento do prezo de compra.