venres, 18 xuñ 2010
O alcalde de Vigo, Abel Caballero, presentou este venres o dispositivo policial para a vixilancia e seguridade das costas e das praias, conformado por 14 axentes e a novidade dun oficial permanente ao mando da brigada. Caballero eloxiou o "factor de seguridade e confianza" que supón a súa presenza nos areais da cidade. O Concello instalou ademais paneis informativos sobre o axeitado uso da praia de Samil.
mércores, 16 xuñ 2010
O servizo municipal de Bombeiros, dependente da Concellería de Seguridade que dirixe o socialista Xulio Calviño, está a estudar as 14 solicitudes recibidas para a realización de fogueiras na noite de San Xoán de Vigo. De cara a ser autorizadas, os bombeiros inspeccionarán cada unha das peticións 48 horas antes da celebración, para garantir a máxima seguridade da cidadanía.
luns, 7 xuñ 2010
Abel Caballero informou este luns da instalación o próximo xoves dunha nova rotonda na Gran Vía, á altura da rúa Illas Baleares, ao tempo que prohibiranse os xiros á esquerda á altura de Ramón y Cajal e Valencia, para evitar "xiros perigosos". A rotonda será provisional nun inicio, e as actuacións de mellora viaria na Gran Vía continuarán próximamente cunha segunda fase.
luns, 31 mai 2010
Á proposta da Concellería de Mobilidade e co visto bo do PSdeG e do BNG, o Pleno da Corporación aprobou unha disposición complementaria para a regulación de turnos de descanso para os taxistas, que terán unha xornada de descanso para "mellorar a calidade de vida" destes e racionalizar o servizo acorde á demanda, indicou Calviño. O regulamento entrará en vigor en probas durante tres meses.
martes, 27 abr 2010
O concelleiro de Transporte e Mobilidade indicou que desde hoxe martes, ás 10 horas da mañá, abríuse ao tráfico con dobre sentido o tramo de Sanjurjo Badía que une a Avenida de Galicia coa rotonda de Pedro Alvarado, despois da súa humanización. En Castrelos, Calviño anunciou o cambio de sentido previsto para o vial que une a rotonda de acceso ao Pazo e a Avenida de Castrelos, que pasará a ser ascendente.
martes, 27 abr 2010
O concelleiro de Transporte, Xulio Calviño, explicou hoxe martes que xa foron adxudicados os traballos de instalación dos novos pasos resaltados, con cargo ao "Plan Zapatero" deste ano. Instalaranse desde o 5 de maio en Matamá, Balaídos, Navia, Alcabre, no centro e na zona de Cabral, e sumaranse aos 23 xa habilitados actualmente. As obras empregarán a catro traballadores durante catro meses.
martes, 13 abr 2010
A rúa Areal e as rúas do seu entorno sufrirán a partir do mércores unha restricción de tráfico por mor dos traballos de construcción do aparcadoiro soterrado que realiza a empresa UTE DRAGADOS EXCONSA. A concellería de Mobilidade, Transporte e Seguridade advirte que o treito que vai desde República Arxentina ata Inés Pérez de Ceta da rúa Areal estará pechada en ámbolos dous sentidos, con aceso exclusivo para garaxes.
luns, 12 abr 2010
A Concellería de Mobilidade e Transporte, que dirixe Xulio Calviño, pechou ao tráfico desde hoxe luns, e por un periodo aproximado dunha semana, o cruzamento de Policarpo Sanz con Darío Álvarez Blázquez, debido á impermeabilización do aparcadoiro soterrado en construcción. Os vehículos autorizados, principalmente para garaxes, accederán desde Marqués de Valladares.
mércores, 7 abr 2010
O concelleiro de Mobilidade e Transporte, Xulio Calviño, anunciou hoxe mércores a "renovación integral" da rede semafórica municipal, con "custe cero" para o Concello, que cambiará todas as unidades progresivamente. Para decidir a cor e o modelo, o departamento habilitou na web municipal (www.vigo.org) unha enquisa cidadá. Calviño anunciou asemade a instalación experimental de contadores de segundos nos semáforos para peóns e novos avisadores acústicos para invidentes.
xoves, 25 mar 2010
Unha vez rematada a humanización das avenidas, o concelleiro de Mobilidade, Xulio Calviño, presentou este xoves a nova ordenación do tráfico no entorno. Desde o luns 29 de marzo, a Avenida de Castrelos priorizará o acceso á cidade, mentres que Florida canalizará as saídas da urbe. A Avenida de Fragoso terá dous carrís de baixada e un de subida, e a Avenida de Balaídos cambiará de sentido, igual que Caleira, García Lorca e Quintela, entre outras. Unha docena de rúas veranse afectadas neste "cambio a mellor" do tráfico na zona.