venres, 6 mai 2016
Segundo informou Abel Caballero, o goberno de Vigo aprobou este venres o expediente de contratación deste servizo, un contrato que sairá por dez anos e coa subrogación do persoal actual. Como novidades, o alcalde subliñou o pago telemático, a información en tempo real das prazas dispoñibles e a eliminación da rotación cada dúas horas en toda a cidade.
venres, 29 abr 2016
Segundo informou este venres Abel Caballero, a Xunta de Goberno Local aprobou a clasificación de ofertas para a contratación do servizo, paso previo á adxudicación definitiva da concesión. Entre outras, o Concello esixe á empresa que resulte adxudicataria a reforma do aparcamento, un elevador con saída á Praza de Portugal e unha escaleira que una a rúa Uruguai coa nomeada praza.
venres, 22 abr 2016
Así o indicou este venres Abel Caballero, quen apuntou que hoxe comeza, de forma experimental, un servizo de ruta nocturna de VITRASA ata Cabral. A nova liña N3 ofrece inicialmente unha viaxe única, con saída os venres ás 03:45h desde a Praza de América a Cabral. "Se ten demanda, meteremos máis frecuencias", asegurou o alcalde.
martes, 5 abr 2016
O alcalde recordou este martes o acordo plenario, a instancias do goberno de Vigo, que insta á Xunta de Galicia a asinar un convenio de transporte público ao aeroporto coma o que funciona en Santiago, onde o goberno autonómico achega 340.000 euros anuais para o bus que une a capital con Lavacolla. "Seguimos agardando", reiterou Caballero.
mércores, 23 mar 2016
O alcalde informou este mércores que todos os semáforos da cidade terán avisador acústico para invidentes, cun sistema que -mediante mando ou polo bluetooth do móbil- só emite sinal ante a presenza de cegos na zona. O goberno incorporará tecnoloxía viguesa desenvolvida co CTAG.
martes, 22 mar 2016
Abel Caballero asegurou esta martes que recibirá a representantes da Plataforma Cidadá de Persoas con Discapacidade para abordar a súa problemática de aceso ao transporte público. O rexedor trasladoulles todo o seu apoio e avanzou "tolerancia cero" cos vehículos aparcados nas paradas de autobús que impidan despregar á rampla para as persoas con mobilidade reducida.
venres, 19 feb 2016
A antiga travesía José Antela Conde incorpórase dende hoxe ao rueiro vigués como Vanessa Lage. Este é un dos tributos que o Concello lle brinda á axente de policía falecida hai máis dun ano durante un atraco a unha sucursal bancaria. No acto de descubrimento da placa, no que estivo o director xeral da Policía Nacional, Abel Caballero destacou que Vanessa Lage "deu a súa vida pola cidade"
mércores, 10 feb 2016
<br />
Abel Caballero reiterou hoxe mércores a súa intención de propoñer á Zona Franca que reserve prazas para residentes nos tres aparcamentos que ten no Casco Vello. Deste xeito, puntualizou, entre as prazas do parking de Porta do Sol e as do Consorcio, "seguro que resolvemos o problema do aparcamento" da zona. <br />
mércores, 3 feb 2016
O alcalde anunciou este mércores cambios nos traxectos das liñas N1 e N2 de VITRASA para "potenciar" a atención en Coia e Navia. Desde mañá, o N2 finalizará e comezará en Teixugueiras, para pasar logo por Limpiño, a VG-20 e entrar en Coia polas rúas Porriño, Baiona e Redondela, retomando despois o traxecto habitual ao centro desde a Avenida de Castelao. <br />
mércores, 27 xan 2016
Abel Caballero amosou este mércores a súa "satisfacción" pola decisión da TAP de conectar Vigo con Lisboa desde o 1 de xullo e anunciou unha reunión o 16 de febreiro co director xeral para España da aeroliña, na que ofrecerá a colaboración do Concello para promocionar a ruta. O rexedor valora as "conexións transoceánicas" que ofrece a capital lusa.