Abel Caballero explicou este mércores que o servizo nocturno do autobús terá frecuencias de 15 minutos no acceso e saída de Samil, coas liñas N1 (no seu percorrido habitual), N2 (que se prolonga ata o areal) e cunha ruta especial. Na limpeza, o Concello habilita un dispositivo de 25 vehículos e 61 traballadores. <br />
Caballero informou hoxe martes da instalación dun novo pavimento, "experimental", no paso de peóns sobreelevado de Menéndez Pelayo, fronte ao ascensor inclinado que conecta coa Avenida das Camelias. O alcalde explicou que é "moi visible" para vehículos e peóns e ten un compoñente adherente para axudar á freada. <br />
O alcalde anunciou este martes esta nova proposta en materia de seguridade viaria nos colexios, segundo a cal o goberno de Vigo establece rutas seguras para que os nenos e nenas de Primaria accedan ao centro educativo de forma autónoma. Os itinerarios, xa iniciados no CEIP Escultor Acuña de forma experimental, están marcados con pegadas de dinosauro.
O alcalde participou este venres na descuberta de inscricións nos pasos de peóns da cidade con mensaxes que avogan pola seguridade viaria e animou á cidadanía a participar o domingo na carreira "Ponlle freo" que recadará fondos para a Asociación Alento de Dano Cerebral.
O alcalde de Vigo celebrou este venres unha reunión cos responsables de COGAMI, APAMP e usuarios de cadeiras de rodas motorizadas para estudar a instrución elaborada polo Concello que permitirá o acceso ao autobús urbano. Caballero explicou que elevará esta solución á Federación Española de Municipios e Provincias.
Así o anunciou este martes o alcalde, quen explicou que falta regulación estatal sobre seguridade dalgúns modelos de vehículos para persoas con discapacidade no autobús urbano. Caballero indicou que Vigo, xunto a Navarra, Madrid e Barcelona, está a elaborar unha instrución con normas de seguridade que permita o acceso, que será contrastada cos propios usuarios.
A I Feira do Vehículo Comercial de Galicia, Vigotrans, desenvólvese na Avenida de Beiramar coa presenza da práctica totalidade dos fabricantes de furgonetas presentes no mercado español. O evento, dirixido a profesionais e particulares que poderán probar as furgonetas pola cidade, conta co apoio do Concello e da Autoridade Portuaria.
<br /> Tras ter recibido un escrito da Dirección Xeral de Mobilidade convocando unha reunión para o vinte de xuño, Abel Caballero instou á Xunta de Galicia a adiantar esta cita e abordar a subvención dun autobús directo a Peinador, como xa fai o goberno autonómico en Santiago de Compostela con 340.000 euros.
Segundo informou este mércores Abel Caballero, o Concello de Vigo volveu insistir no comité de rutas de onte -coa presenza dos tres aeroportos galegos, a Xunta e Fomento- na necesidade de que a Xunta de Galicia sufrague un autobús que conecte a cidade con Peinador, como xa fai en Santiago abonando 340.000 euros.<br />
Segundo informou este luns Abel Caballero, o Concello xa recibiu o convenio de incorporación ao plan de transporte metropolitano, un texto co que "estamos de acordo" e inicia a tramitación previa á súa sinatura, que o alcalde estimou para a próxima semana. <br />