luns, 21 ago 2017
Abel Caballero mantivo un encontro este luns con membros da Unión Federal de Policía que lle propuxeron que Vigo acolla en 2018 os actos do Patrón Nacional dos Anxos Custodios, que se celebra cada 2 de outubro. O alcalde cre que é un "bo momento" para que a Policía Nacional celebre o seu "día máis importante" na cidade e compromete o seu apoio á organización dos actos. Adiantou tamén que se poñerá en contacto co Ministro do Interior de cara á conmemoración desta data en Vigo o vindeiro ano.
venres, 18 ago 2017
Abel Caballero comunicoulle á directiva da comunidade de veciños do número 203-205 da rúa Travesía que o Concello manterá o operativo de vixilancia posto en marcha para ofrecerlles seguridade fronte ás ameazas dos ocupantes dunha das vivendas.
xoves, 17 ago 2017
O alcalde informou este xoves do corte da circulación na Avenida entre as rúas Val Miñor e Olímpicos para instalar as estruturas da cuberta da grada de Río de Balaídos e apuntou que as obras "seguen os prazos previstos".
venres, 4 ago 2017
Caballero recibiu esta mañá a parte do equipo que representará a Vigo nos Xogos Mundiais de Policías e Bombeiros que se celebrarán en Los Ángeles entre o 7 e o 16 de agosto. Estes axentes locais, aos que o alcalde desexou o mellor dos éxitos, formarán parte da delegación española e competirán na modalidade de fútbol indoor contra outros 23 equipos de todo o mundo.
mércores, 2 ago 2017
O alcalde informou da realización dos traballos de asfaltado este sábado, día 5, que supoñerán o corte ao tráfico da Avenida dende as oito da mañá, mentres mañá xoves e o venres haberá restricións na circulación. A humanización da rúa terá un investimento total de 6,5 millóns de euros.
martes, 1 ago 2017
Caballero anunciou hoxe martes que, na fin de semana do 11 ao 13 de agosto, o goberno vigués prolongará o funcionamento da liña C1, que pasará a operar tamén de noite, e habilitará un novo servizo especial nocturno que, xunto aos habituais N1 e N2, significará un autobús cada quince minutos.
luns, 24 xul 2017
O alcalde visitou hoxe luns nas instalacións da concesionaria Vitrasa os novos vehículos, 100% accesibles, que contan con USB e WiFi de balde, e con motores Euro VI, os máis respectuosos co medioambiente. Con 4,75 anos, a idade media dos autobuses de Vigo é a menor de España.
luns, 17 xul 2017
O alcalde puxo en valor a "acción heroica" realizada por Juan Castro Delgado na Praza Fernando el Católico xa que "puxo en risco a súa vida" para salvar a dunha muller a piques de caer dende un sétimo piso. <br />
venres, 16 xuñ 2017
Coa colaboración de Vitrasa e a Policía Local, estará en funcionamento dende mañá sábado 17 de xuño entre as 19:30 e as 22:00 horas para facilitar a volta ao centro dende a zona de praias da cidade.
martes, 13 xuñ 2017
Caballero mantivo reunións este martes con representantes dos sindicatos CCOO e co Comité de Empresa do Concello con que abordou as mobilizacións para esixir ao Goberno de España e á Xunta a conexión directa de alta velocidade entre Vigo e Madrid. <br />