luns, 24 abr 2017
A nova liña de autobús que unirá Teis co hospital Álvaro Cunqueiro arrancará o próximo martes 2 de maio con dúas frecuencias diarias -ás 07,45 e 11,00 h- que sairán desde García Barbón "Calzada". Estas conexións, segundo explicou o rexedor, poderán incrementarse nun futuro se así o requirira a demanda.
martes, 18 abr 2017
Maio será o mes da bicicleta na cidade coa posta en marcha de Vive Vigo en bici, iniciativa organizada por A golpe de pedal co patrocinio de Concello e Deputación. Na rolda de prensa de presentación, o rexedor reiterou o compromiso do goberno local na promoción da bicicleta como vehículo de transporte e forma de vida saudable.
venres, 7 abr 2017
O alcalde informou da continuidade do proxecto de construción de 400 prazas de aparcamento de balde trala luz verde da Xunta de Goberno á oferta de contratación das obras por 538.000 euros. Tamén deu o visto bo ao convenio polo que FOANPAS recibe 606.000 euros do Concello para bolsas de comedor.
mércores, 29 mar 2017
O rexedor trasladou esta mañá ao novo xeneral xefe da Garda Civil, Ángel Alonso Miranda, a súa satisfacción co traballo que desempeña no noso territorio ao tempo que os felicitou polos novos locais dos que van dispoñer no Porto de Vigo. Logo de facer un repaso pola súa actuación no aeroporto, na Autoridade Portuaria, nas Aduanas, e en diferentes zonas do territorio, Caballero transmitiulles o "absoluto" apoio da cidade a súa función.
xoves, 23 feb 2017
Abel Caballero vén de remitir unha carta ao presidente Núñez Feijóo pedíndolle á Xunta que explique oficialmente, nun prazo máximo de cinco días, qué diverxencia de interpretación ten co Concello sobre o convenio do transporte metropolitano.
martes, 21 feb 2017
Este foro -integrado por Concello, Xunta, Porto, Zona Franca e asociacións de transporte e loxística- trataría do acceso dos vehículos pesados deste Teis ao centro e tamén da chamada "Cidade do Transporte". Tras reunirse con empresarios do sector, Caballero anunciou que remitirá unha carta a Núñez Feijóo coa proposta.
martes, 21 feb 2017
Dende hoxe martes poden desprazarse en transporte público urbano os primeiros catro usuarios de cadeiras de rodas motorizadas, logo de realizaren un curso formativo para o seu manexo. Vigo é a primeira cidade galega en activar este sistema.
luns, 20 feb 2017
Afirma que non existen razóns para atrasala logo da información favorable do Concello e a tramitación do proxecto conxunto da estación do AVE e a de autobuses pola Lei 3/2016 de medidas urxentes. O proxecto estará vinte días en exposición pública e o Concello emitirá un informe reflectindo o interese da obra para a cidade.
venres, 17 feb 2017
O alcalde anunciou este venres a posta en funcionamento "de forma inmediata" do novo sistema de regulación do acceso de coches ao Casco Vello con cámaras de lectura de matrículas que accionarán un semáforo para permitir o paso. Trátase dunha tecnoloxía máis moderna e que facilita o labor dos servizos de emerxencias.
venres, 17 feb 2017
O alcalde recibiu esta mañá o apoio de varios colectivos do barrio de Teis á reclamación municipal de construír un acceso desde a AP9 á Avenida de Bos Aires. Así o explicou esta mañá logo de manter un encontro con veciños para intercambiar opinións sobre a situación desta zona da cidade.