venres, 9 xuñ 2017
O rexedor explicou que desde ás 10,00 h de hoxe venres prohíbese o acceso en coche ao Casco Vello de Bouzas, excepto para residentes e carga e descarga, neste caso entre as 8 e as 11 h, coa posibilidade de ampliar este horario en función das necesidades. Caballero aclarou que os primeiros días serán de aprendizaxe para os usuarios.
luns, 5 xuñ 2017
Abel Caballero recibiu este luns aos tres policías locais que a semana pasada participaron nunha operación de rescate dunha muller viguesa de 85 anos á que conseguiron recuperar dunha terraza na que se atopada desorientada. O alcalde puxo en valor a súa "acción heroica" coa que conseguiron "salvarlle a vida", chegando a poñer en risco a súa propia. <br />
luns, 5 xuñ 2017
O cambio afecta a todas as rúas e prohíbese o acceso, excepto residentes e carga e descarga entre as 8 e as 11 horas da mañá, coa posibilidade de ampliar este horario en función das necesidades.
luns, 29 mai 2017
A Porta do Sol será testemuña o próximo mércores 14 de xuño do concerto co que a cidade vai reclamar a conexión por alta velocidade a través da variante de Cerdedo. Así o anunciou esta mañá o alcalde quen cualificou de "tomadura de pelo" a proposta da Xunta e do Goberno Central de que os vigueses vaian a Madrid a través de Santiago.
venres, 26 mai 2017
O alcalde de Vigo lamentou a decisión do Congreso dos Deputados de aceptar unha emenda orzamentaria que atrasa ata 2025 a finalización a variante do AVE por Cerdedo. Nesa proposta adiántanse outros tramos de toda España, mentres que a conexión de Vigo postérgase dous anos máis, pasando a data de finalización de 2023 a 2025. <br />
mércores, 24 mai 2017
O alcalde eloxiou esta mañá a labor da Policía Local e trasladoulles a todos os axentes "o orgullo dos 300.000 vigueses polo seu compromiso coa cidade". Durante os actos que conmemoran o Día da Policía Local, este ano entregouselle a Cruz de Ouro do mérito policial á viúva e aos fillos de José Luis Garea, axente local de Carballo, falecido en acto de servizo cando realizaba un control preventivo de alcoholemia.
venres, 19 mai 2017
"Non sabemos nada" da Xunta "desde o 5 de setembro", data na que o goberno de Vigo remitiu observacións "insignificantes" ao borrador de convenio, sobre o que "hai acordo", explicou Caballero. O Concello reclama á Xunta de Galicia que subvencione un bus express ao aeroporto como fai en Santiago, con 340.000 euros.
xoves, 11 mai 2017
O edil de Seguridade fixo balance do traballo da Policía Local no 2016 na prevención e atención a vítimas de violencia machista, con 248 ordes de afastamento atendidas, cursos de autoprotección e apoio a entidades que traballan coas mulleres. Carlos Font enfatizou que "ningunha muller nesta cidade deixou de ser atendida desde a Policía Local por problemas de violencia de xénero"
mércores, 10 mai 2017
O Concello comezou o pasado 2 de maio coa nova liña do autobús urbano H3, que parte de Teis e finaliza no Hospital Álvaro Cunqueiro. O novo traxecto pasou de 18 a 56 viaxeiros nos seus primeiros seis días, avanzou Caballero, o que revela que instaurar a liña foi unha "decisión acertada" e confiou en que a ocupación seguirá crecendo.
martes, 9 mai 2017
O concelleiro de Seguridade, Carlos López Font, deu conta este martes do incremento en dez anos do número destas prazas de aparcamento, dispoñendo na actualidade dunha por cada 20 non reservadas, unha ratio superior á habitual noutras cidades e que supón multiplicar por 3,5 as que había en 2006. Ademais, hai 444 semáforos adaptados para persoas cegas.