Ponse en coñecemento do público en xeral que por mor das obras de canalización de gas, estará pechada ao tráfico a rúa Manuel Núñez, con acceso exclusivo para residentes, entre Ecuador e María Berdiales, dende o luns 14 ás 08.00 horas até o sábado 26 de xuño de 2004 ás 20.00 horas<br /> Solicítase a máxima colaboración cidadá.
Co inicio da campaña de verán, época de máximo perigo de incendios, faise necesario extremar as medidas de prevencións de incendios.
As persoas, organizacións ou comunidades que desexan facer unha fogueira e aínda non dispoñan da correspondente autorización deberán solicitala no Rexistro Xeral deste Concello, con cando menos 5 días hábiles de antelación ao evento.Terán que sinalar o lugar elixido así como o nome, enderezo, teléfono e DNI dos/as responsables das organizacións ou comunidades.
Ponse en coñecemento do público en xeral que por mor das obras de urbanización na rúa Urzáiz, cortarase o carril descendente desta, no tramo entre Cervantes e República Arxentina, dende mañá, mércores 26 de maio de 2004 ás 00:00 horas, e por un período aproximado de tres semanas.
Ás 00:00 horas do vindeiro mércores, 26 de maio, e por un período aproximado de tres semanas reabrirase ao tráfico a rúa Cervantes, que poderá ser utilizada en sentido descendente polo transporte público e os vehículos con galibo superior aos 2,50 metros que se incorporen a Urzaiz dende Gran Vía e a parte alta de Urzaiz.
A Concellería de Mobilidade recomenda aos usuarios de vehículos non circular polo centro da cidade o domingo pola mañá. A celebración da Marcha Mundial das Mulleres e a Maratón de Coia provocarán que boa parte da zona centro da cidade, así coma o barrio de Coia, permanezan pechadas ao tráfico e recomendan utilizar itinerarios alternativos.
O transporte público urbano conta con outro carril bus, que percorre a rúa García Barbón, dende Santiago de Vigo ata Isaac Peral, en sentido Teis, e que entrará en funcionamento a partires de mañá xoves, 20 de maio. Son catro as liñas que circulan por este : C3, C5, 10 e 17.<br />
Ponse en coñecemento do público en xeral que con motivo da desmontaxe dun guindastre de obra pecharase ao tráfico rodado a rúa Churruca, entre as rúas Cervantes e Gravina, o vindeiro domingo 16 de maio, entre as 8.00 e as 16.00 horas. <br /> Solicítase a máxima colaboración cidadá.<br />
A travesía PO-A, a estrada Vella de Madrid, no treito Seminario-Meixoeiro termo municipal de Vigo, no punto kilométrico 0+300 permanecerá pechada ao tráfico dende o martes 11 de maio ata o vindeiro 1 de xuño polas obras de acondicionamento, en concreto a construcción dunha rotonda, que está a executar a Xunta de Galicia. Só poderán circular pola denominada estrada o transporte público e escolar.
Os concelleiros de Tráfico e Cultura, Antonio Coello e Ignacio López Chaves, respectivamente, participan na visita que realizarán o xoves escolares do colexio Valle Inclán ó campus da Universidade de Vigo. A visita forma parte da campaña de fomento ó transporte público que realiza o Concello e Vitrasa e que este ano ten como lema coñecer o campus e as súas novas instalacións.