martes, 22 nov 2011
Abel Caballero informou este martes desta "gran novidade" introducida polo goberno local recentemente nas condicións para adxudicar obras municipais ás empresas. O emprego -número e continuidade dos traballadores, contratación de persoal...- terá ata 10 puntos de valoración sobre 100, algo que acontece por primeira vez. O alcalde informou ás empresas construtoras deste requisito nunha reunión pública coa presenza dunhas 70 persoas.
luns, 21 nov 2011
Abel Caballero comprometéuse hoxe a estudar posibles ubicacións para albergar durante o inverno as naves da Asociación Deportiva de Catamaráns de Galicia aos que recibiu esta mañá. Durante o encontro, os responsables deportivos plantexaron tres posibles ubicacacións no Vao, en Alcabre e Teis e o alcalde transmitiulles o convinte que é "ter un espazo para practicar vela lixeira, aprender e competir".
luns, 21 nov 2011
O alcalde de Vigo, Abel Caballero, amosou hoxe luns o seu compromiso para apoiar á Asociación Galega de Telecomunicacións, que pretende organizar en Vigo o seu congreso anual. Segundo indicou, Vigo, que ten escola superior desta materia, é unha ubicación "idónea" para albergar este encontro anual, que atraería a máis de catrocentas empresas.
martes, 15 nov 2011
Abel Caballero explicou hoxe martes que o Ministerio de Fomento garante que Vigo será porto central na rede transeuropea de transportes ao ser cabeceira dunha Autopista do Mar, que será rubricada "de forma inminente" polos gobernos español e francés. O alcalde recordou que, vía corrección de erros, o AVE Vigo-Ourense por Cerdedo de pasaxeiros tamén figurará no mapa europeo.
venres, 11 nov 2011
Abel Caballero informou hoxe venres da recepción dunha carta do ministro de Fomento, José Blanco, que lle comunica que o Porto de Vigo e o AVE Vigo-Ourense por Cerdedo están incluídos na Rede Transeuropea de Transportes. Tal e como viña solicitando, o alcalde indicou que por vía corrección de erros subsánase estas ausencias.
venres, 11 nov 2011
O alcalde, Abel Caballero, adiantou este venres que os servizos xurídicos municipais estudan fórmulas para reclamar por vía xudicial á Deputación de Pontevedra os 450.000 euros da débeda contraída co Museo MARCO de Vigo, os 90.000 euros coa Fundación ProVigo e os 81.000 euros coa Fundación Axencia Intermunicipal da Enerxía de Vigo (FAIMEVI). O rexedor recordou que é unha "obrigación" do ente provincial coas devanditas institucións.
xoves, 10 nov 2011
O alcalde, Abel Caballero, recibiu este xoves á dirección galega da entidade, que está a implantarse en Galicia a través de Vigo co obxectivo de divulgar os síntomas da enfermidade e dar apoio ás familias dos afectados. O rexedor sinalou que en 10 ou 20 días terá lugar a presentación pública da actividade desta Fundación nas propias dependencias municipais.
martes, 8 nov 2011
Este martes, AENA procedeu ao levantamente das actas previas á ocupación dos terreos afectados polo Plan Director de Peinador, "o futuro" do aeroporto vigués que inclúe o novo aparcamento de 2.500 prazas xa rematado e as obras "moi avanzadas" para a nova terminal de pasaxeiros. Caballero subliñou ademais que este trámite permitirá saldar a débeda que ven "de anos atrás" cos comuneros de Cabral, por valor de 7,2 millóns.
xoves, 3 nov 2011
Abel Caballero anunciou este xoves o envio dunha carta ao Comisario europeo da Competencia, Joaquin Almunia, indicándolle que sería un "gravísimo erro" rexeitar a alternativa española ao sistema fiscal do tax lease, e causaría un "dano irreparable" no naval vigués. Para o alcalde, Almunia está "obrigado" a aceptalo ou a propor unha alternativa transitoria que permita aos astaleiros continuar operando ata a resolución definitiva do conflicto.
mércores, 2 nov 2011
O alcalde e presidente da Fundación explicou este mércores que o eixo central da actividade de ProVigo será traballar na reactivación económica da cidade, para o que crearanse sendas comisións técnicas e sectoriais para gañar "dinamismo". O plan estratéxico da entidade, que nomeou a José Manuel García Orois como novo xerente, procurará manter as "contas positivas" e actuará en base á "austeridade".
