xoves, 8 out 2015
Vigo acolle dende hoxe o I Foro Internacional de Stakeholders, un encontro no que a FAO celebra o 20 aniversario do Código de Conducta para a Pesca Responsable. No acto de inauguración, no que estivo presente a Ministra de Agricultura e a Conselleira do Mar, o rexedor destacou a importancia de que o evento se desenvolva na cidade que se "reivindica e case supera a si mesma" como capital mundial da pesca.
mércores, 7 out 2015
A Feira Internacional de Productos do Mar Conxelados desenvolveuse ao longo de tres xornadas no Recinto Feiral de Vigo congregando a 500 expositores de 40 países. O rexedor puxo en valor esta nova edición da mostra e volveu demandar a súa ampliación porque o espazo "quedou pequeno". Amais, asegurou que Vigo seguirá sendo a capital da pesca no mundo coa celebración mañá xoves e o venres do Congreso da FAO e do I Encontro Internacional de Stakeholders.
luns, 5 out 2015
Abel Caballero asistiu na mañá deste luns á apertura da XVII Feira Internacional de Productos do Mar Conxelados no Recinto Feiral de Vigo, onde destacou a importancia de que a cidade acolla eventos desta magnitude. Apuntou a relevancia de Conxemar no sector poque, dixo, "é aquí onde se fixan os prezos da pesca conxelada do mundo" e reafirmouse na súa intención de seguir demandando á Xunta de Galicia que aumente o espazo dispoñible do recinto para dar cabida a máis expositores, tal e como demanda a organización.
venres, 2 out 2015
A Policía Nacional celebra este venres 2 de outubro o día do seu patrón, os Santos Anxos Custodios, cun acto que se desenvolveu na Comisaría de López Mora e que contou coa presenza de Abel Caballero, quen quixo transmitirlles "todo o meu apoio, solidariedade e afecto polo traballo excepcional que están facendo na cidade. Vigo é unha cidade segura e o labor policial merece o recoñecemento da cidadanía". <br />
xoves, 1 out 2015
O alcalde e presidente da FEMP, reuniuse este xoves en Madrid con cargos directivos da Federación e avanzou na preparación de cuestións como a derogación da reforma local ou a proposta das bases para un novo modelo de financiamento local. Ademais, referiuse á importancia de que a FEMP se transforme nunha grande rede de acollida de refuxiados en toda España.
mércores, 30 set 2015
Abel Caballero recibiu no Concello aos responsables da Asociación en favor de Persoas con Discapacidade Intelectual para presentar a XXXII edición da Marcha Aspanaex que se celebra este domingo día 4 de outubro polas rúas da cidade en favor da entidade.
martes, 29 set 2015
Abel Caballero mantivo un encontro na mañá deste martes con Teresa Ribera, quen fora secretaria de Estado de Cambio Climático, e persoa moi implicada na decisión de facer a nova depuradora de Vigo. No encontro, a directora do Instituto de Desenvolvemento Sostible e as Relacións Internacionais destacou que o modelo de cidade medioambientalmente desenvolvida implantado polo goberno local "está tratando de copiarse noutros lugares fóra de España".
luns, 28 set 2015
Abel Caballero inaugurou este luns unha nova edicion de Mostrarte, o ciclo que leva aos espazos de Alcaldía obras de artistas da cidade. Nesta ocasión son as pinturas do mestre Mingos Teixeira, recollidas en "Hai outros mundos pero están neste", as que se exhibirán durante os próximos dous meses nestas dependencias municipais. <br />
venres, 25 set 2015
Abel Caballero asinou este venres un convenio de colaboración co grupo Vegalsa-Eroski, representado polo seu director xeral Joaquín González Iglesias, mediante o cal o grupo empresarial se compromete a facer unha achega de 15.000 euros para o programa "Camiño a Camiño", que inclúe rutas por Vigo e os arredores da cidade.
venres, 25 set 2015
A partir das catro da tarde de mañá sábado, 60 perruqueiros ofertarán os seus servizos por sete euros na rúa Príncipe. A recadación será destinada integramente á Asociación Española contra o Cancro de Vigo.
