xoves, 30 xuñ 2011
Abel Caballero tendeulle a man ao novo presidente da Autoridade Portuaria de Vigo, Ignacio López-Chavez, cuxo nomeamento foi publicado hoxe xoves no Diario Oficial de Galicia, "para o acordo e para manter unha relación fructifera de cooperación que redunde no beneficio da cidade e do Porto". O alcalde afirmou que fará "todos os esforzos" para entablar un clima de "cooperación" institucional, como fixo cos anteriores responsables, "coa única condición da legalidade".
mércores, 29 xuñ 2011
O alcalde de Vigo participou este mércores no acto que serviu como despedida do director executivo da Axencia Comunitaria de Control da Pesca, que ten a súa sede no emblemático edificio Odriozola de Vigo. En homenaxe ao traballo realizado desde a cidade nestes anos, Abel Caballero fixo entrega a Harm Koster dunha réplica da escultura que preside a Praza do Bicentenario.
martes, 28 xuñ 2011
O alcalde, Abel Caballero, presidiu este martes a inauguración dunha nova edición de Mostrarte, a primeira tras as eleccións municipais, a cargo da viguesa Menca Estévez, que ofrece na Alcaldía do Concello a súa personal proposta artística baseada nun intenso diálogo entre a cor, o formato e o espectador.
venres, 24 xuñ 2011
O alcalde de Vigo, Abel Caballero, coordina este venres o terceiro panel de debate deste foro que ten lugar en Salamanca ata o próximo domingo, 25 de xuño. En particular, Caballero coordina o panel de debate titulado "Os equilibrios internacionais: un desenvolvemento mundial sostible e compartido", no que participan, entre outros, Carlos Berzosa, catedrático de Economía e reitor da Universidade Complutense de Madrid.
xoves, 23 xuñ 2011
O alcalde de Vigo, Abel Caballero, informou que recibiu este xoves unha chamada do conselleiro de Medioambiente, Agustín Hernández, informándolle dun "problema de futuro" que podería causar "algunha dificultade de abastecemento de auga no Concello de Baiona". Caballero recordou que en outubro de 2010 xa resolveu un problema similar co alcalde de Baiona "en cinco minutos" e amosouse disposto a estudar esta situación co seu homólogo e o conselleiro.
venres, 17 xuñ 2011
Abel Caballero visitou este venres en compañía dos concelleiros de Deportes, Manel Fernández, e do concelleiro de Fomento, David Regades, a área deportiva municipal "Máis que Auga" de Florida-Coia. Alcalde e concelleiros percorreron, xunto aos técnicos municipais, as instalacións dun centro adicado á prácticas deportivas e actividades relacionadas.
luns, 13 xuñ 2011
O alcalde de Vigo, Abel Caballero, presentou hoxe, luns, a configuración do Goberno, que está deseñado en torno a dous eixos fundamentais: promoción económica e igualdade de xénero. Na que foi a primeira comparecencia pública desde o acto de investidura, Caballero explicou que funcionarán sendas comisións delegadas de Goberno en torno ás que se articulará a xestión municipal.
luns, 6 xuñ 2011
O alcalde de Vigo, Abel Caballero mantivo un encontro con representantes de Vulcano, CNP Freire, Metalships e Barreras para revisar a situación da construción naval e buscar o enfoque que "permita a continuidade dos estaleiros privados" da ría de Vigo. Caballero trasladoulles que constatou o "interese extraordinario, a enorme sensibilidade e de resposta" do Goberno central tras manter varias conversas a pasada semana.
luns, 6 xuñ 2011
O alcalde de Vigo, Abel Caballero, explicou neste luns que a aprobación permitirá asignar as bolsas de inglés a boa parte dos alumnos de centros concertados que quedaron fora da convocatoria. O investimento destas 150 novas bolsas ascende a 375.000 euros.
venres, 3 xuñ 2011
A Concellería de Medioambiente procedeu nesta mañá a apertura da pequena praia de A Calzoa, en Vigo, despois de que as analíticas constataran que os parámetros están dentro da normalidade.
