O goberno local deu luz verde á adxudicación das obras de humanización de Rosalía de Castro, Castrelos, Ramón Nieto e rúa Saa-Beade. Así o avanzou hoxe xoves o rexedor nunha rolda de prensa na que tamén anunciou a reparación das pistas deportivas de Mestre Prudencio Rodríguez Dios, Hispanidad e Valadares.
A finais do próximo mes de xaneiro comezarán a funcionar as escaleiras mecánicas de II República, unha vez adxudicada a cuberta, por importe de 227.936 euros. Deste xeito, apuntou o rexedor, concluirase a primeira actuación municipal no chamado Vigo vertical.
O goberno local deu luz verde á clasificación de ofertas para a adxudicación da humanización das rúas Castrelos e a primeira fase de Rosalía de Castro. Tal e como precisou o rexedor en rolda de prensa, estas obras sumaránse en breve a outras dúas que van comezar o 9 de decembro en Alonso Ojeda e a Praza de Martínez Garrido.
O alcalde achegouse esta mañá á Praza do Rei para saudar a unha parte da treintena de traballadores que conforma Mantenimiento Vigo, un programa municipal para conservar en bo estado as rúas da cidade. Segundo Caballero, o número de operarios pode aumentar ata os 60, cando a demanda o determine.
A humanización da primeira fase da avenida García Barbón arrancará mañá xoves 4 de decembro co inicio das catas arqueolóxicas. Así o avanzou Caballero quen engadiu que hoxe comenzan as obras nas rúas Doutor Canoa e Coutadas.
A Xunta de Goberno local aprobou hoxe venres os últimos trámites para comezar as obras de humanización de distintas rúas do centro e das parroquias. Cun orzamento superior aos dous millóns de euros, estes traballos teñen un prazo de execución máxima de 4 meses.
A Xunta de Goberno Local aprobou o proxecto de renovación de redes de abastecemento e saneamento da primeira fase da avenida García Barbón. Esta humanización ten un orzamento de dous millóns de euros e nesta primeira fase actuarase entre a igrexa de Santiago de Vigo e Serafín Avendaño
O Concello de Vigo, a Fundación FAIMEVI e o Colexio de Enxeñeiros Industriais de Galicia celebran hoxe e mañá, 26 de novembro, as terceiras xornadas técnicas Smart Cities & Communities, coa colaboración da Zona Franca e a Universidade de Vigo. No Auditorio Mar de Vigo, máis de 35 empresas de primeiro nivel mostran as súas propostas tecnolóxicas sobre cidades intelixentes e, en paralelo, se celebran as xornadas técnicas coa asistencia de 300 profesionais.
O rexedor explicou hoxe luns que xa "é unha realidade" a reforma integral de Balaídos, logo de anunciar a adxudicación provisional da reforma da cuberta de Río. En rolda de prensa, Caballero tamén deu conta da aprobación de obras de humanización en varias parroquias da cidade.
O Concello de Vigo, a Fundación FAIMEVI e o Colexio de Enxeñeiros Industriais de Galicia organizan o 25 e 26 deste mes as terceiras xornadas técnicas Smart Cities & Communities, coa colaboración da Zona Franca e a Universidade de Vigo. Máis de 35 empresas de primeiro nivel exporán no Auditorio Mar de Vigo as súas propostas tecnolóxicas sobre cidades intelixentes e, en paralelo, se celebrarán as xornadas técnicas coa asistencia de 300 profesionais.