xoves, 7 xul 2016
O alcalde visitou este xoves o inicio das obras na marxe impar da Avenida, no treito entre a rúa Oporto e Serafín Avendaño. O orzamento ronda o millón de euros e as obras durarán sobre cinco meses, segundo apuntou. Abel Caballero explicou ademais que en setembro arrancarán outras catro remodelacións de rúas.
mércores, 6 xul 2016
O alcalde reiterou unha vez máis a necesidade de acelerar a tramitación de impacto ambiental á que está sometido o proxecto de AVE por Cerdedo desde hai dous anos. Na súa opinión, logo de catro anos de atrasos, o Goberno Central non pode responder a estas alturas que "seguen a traballar na busca de información para poder emitir esta declaración", imprescindible para avanzar na construción do tren de alta velocidade.
xoves, 9 xuñ 2016
Nestes momentos xa están retiradas once das bañeiras da cuberta do Estadio e a previsión é que estea concluída esa parte dos labores en 10 ou 15 días. Caballero amosouse "encantado" coa evolución da obra que ao cumprírense os prazos permitirá iniciar a Liga coa cuberta instalada e a grada de Tribuna operativa.
venres, 3 xuñ 2016
O alcalde de Vigo informou este venres da aprobación do proxecto de convenio co Ministerio de Fomento para humanizar a Avenida de Madrid, desde a Praza de España ata a intersección coa rúa Gandarón. O goberno local tamén deu luz verde ao convenio coa Zona Franca para un aparcamento do Parque Tecnolóxico e Loxístico.
mércores, 1 xuñ 2016
A Xunta de Goberno Local deu luz verde á cuarta fase do proxecto de humanización da rúa Aragón, que incluirá unha nova glorieta no cruce con Bailén. O rexedor avanzou que as obras demoraranse durante 5 meses e elevou o orzamento a preto de 500.000 euros.
venres, 27 mai 2016
O goberno local aprobou o proxecto para humanizar a II fase de Gregorio Espino cun importe de case 500.000 euros e un prazo de execución de catro meses. Na mesma Xunta de Goberno, tamén se deu conta da clasificación de ofertas para a contratación do servizo de atención domiciliaria á infancia, dotado de 316.396,86 euros.
xoves, 26 mai 2016
O alcalde deu conta esta mañá do "avanzado" que está o convenio que vai a asinar co Ministerio de Fomento para humanizar a Avenida de Madrid. Tal e como avanzou, os traballos ascenderán a uns 10 millóns de euros, dos que 7 lle corresponderán ao Goberno Central, mentres que os 3 restantes serán asumidos polo Concello.
venres, 20 mai 2016
O alcalde avanzou hoxe venres que o Ministerio de Fomento asumirá a humanización da Avenida de Madrid cun proxecto valorado en 9 millóns de euros. Deste xeito, Vigo contará cun novo acceso á cidade en dous anos e medio, prazo no que se prevé acometer as obras, que irán desde o Seminario ata a Praza de España.
luns, 16 mai 2016
Despois dunha reunión celebrada o pasado venres entre o goberno de Vigo e o Ministerio, o alcalde anunciou este luns que existe preacordo para reformar a Avenida de Madrid, pendente de definir o escenario final nunha reunión na que Abel Caballero solicitará a Ana Pastor a humanización de toda a vía, desde o Seminario ata a Praza de España. <br />
xoves, 12 mai 2016
O alcalde selou un acordo este xoves coa Confederación Galega de Persoas con Discapacidade a través do cal a entidade asesorará en materia de accesibilidade ao goberno local e revisará os proxectos de obra nova e humanizacións "para que a accesibilidade sexa unha constante no desenvolvemento da cidade".