Nunha visita este martes á Avenida, Abel Caballero puxo en valor os dous millóns investidos na remodelación de García Barbón, entre Oporto e Serafín Avendaño, que inclúe elementos "smart" como un punto de recarga e sensores para reducir o rego cando chove. O alcalde avanzou que a humanización continuará ata Teis.
O goberno local aprobará esta semana os pregos para licitar o proxecto de conversión da Porta do Sol nunha "gran praza cidadá", que contará con tráfico soterrado. Cun orzamento de preto de 8,5 millóns, hoxe arrancou o levantamento topográfico e o estudo técnico para poder licitar a obra a finais deste ano. <br />
O alcalde e o presidente de Cogami revisaron esta mañá en Balaídos os dous ascensores que conseguen que a grada de Tribuna garanta a accesibilidade universal. Tal e como explicou o rexedor, estes dispositivos están dotados coas últimas tecnoloxías en rendemento e aforro de consumos.
O goberno vigués executa actualmente os traballos de remodelación do treito da Avenida de Castelao que une as rúas Porriño e Redondela. Abel Caballero visitou este xoves unha reforma "como corresponde a esta zona, para continuar coa humanización de Coia".
O Concello iniciou a construción do que vai ser o primeiro carril bici da cidade, que discorrerá desde Samil a Teis, en dez quilómetros. Esta mañá autorizouse a contratación da redacción do proxecto do primeiro tramo, a beirarrúa da marxe esquerda da Avenida de Castelao. <br />
O Concello iniciará nos próximos días a andadura das grandes remodelacións previstas na Porta do Sol e na Gran Vía. Será a semana que vén cando se aproben os pregos para licitar os proxectos que permitirán transformar a Porta do Sol nunha gran praza cidadá -con tráfico soterrado- , así como instalar pasarelas mecánicas cubertas na Gran Vía.
O alcalde visitou este xoves o resultado da humanización, executada no tramo comprendido entre as rúas Barcelona e Zaragoza. Caballero salientou tanto a mellora na superficie como as renovacións das redes soterradas de servizos: abastecemento, saneamento, pluviais, gas, telecomunicacións e enerxía eléctrica.
O segundo tenente de alcalde e concelleiro de Fomento, David Regades, explicou este martes o estado de execución das 24 humanizacións que ten o Concello en proceso. A bancada de Tribuna, Ferreiros e García Barbón concluirán en marzo; ademais, Regades anunciou para este verán o asfaltado de vías nas parroquias.
A Xunta de Goberno Local deu luz verde tamén a explotación dos quioscos en once areais vigueses, que funcionarán entre o 1 de xuño e o 30 de setembro, e o mantemento da calefacción e auga quente nos colexios públicos cun importe de 130.000 euros. O alcalde engadiu que o Concello destina case 4 millóns de euros ao mantemento ordinario destes centros. <br />
Cun prazo aproximado de execución de catro meses, comezou a cuarta fase da humanización de Camelias, cun orzamento de 778.000 euros. Así o explicou esta mañá Abel Caballero durante unha visita aos traballos na que estivo acompañado polo segundo tenente de alcalde, David Regades e a concelleira de Turismo, Ana Laura Iglesias.