Caballero avanza que nun mes comezará a funcionar o ascensor entre Menéndez Pelayo e Camelias

mércores, 2 set 2015

O alcalde visitou este mércores os traballos de construción do elevador inclinado, xa na súa última fase, e datou para finais deste mes ou comezos de outubro a súa entrada en funcionamento. Situado en Juan Ramón Jiménez, e tras un investimento de 491.000 euros, o ascensor salvará en 32 metros de percorrido os 20 metros de altura que separan Menéndez Pelayo da Avenida das Camelias.

O goberno de Vigo aproba o novo proxecto para Tribuna, que estará concluída nun ano

martes, 21 xul 2015

O alcalde anunciou este martes que a Xunta de Goberno Local aprobou, por 5,2 millóns, o novo proxecto de execución da obra da segunda fase da bancada de Tribuna e a súa cuberta, como parte da remodelación integral do estadio de Balaídos. Segundo detallou Caballero, a obra comezará en novembro ou inicios de decembro e deberá estar terminada en agosto de 2016, antes de que comece a tempada 2016/2017.