luns, 2 mar 2015
Tras unha visita este luns aos traballos de reforma da primeira fase da rúa, Abel Caballero informou de que esta humanización -que presenta un investimento de 350.000 euros e un prazo de execución estimado en 4 meses- sumará iluminación de alta eficiencia enerxética e un cargador externo para dispositivos electrónicos.
xoves, 26 feb 2015
Acompañado de varios concelleiros do goberno que preside, o alcalde de Vigo, Abel Caballero, acudiu na mañá deste xoves a María Berdiales para supervisar a evolución dos traballos de humanización que acomete o Concello nunha rúa "no corazón de Vigo" que está "absolutamente rota, con afundimentos continuos".
mércores, 25 feb 2015
Así o avanzou este mércores Abel Caballero, durante unha visita realizada aos traballos de reforma da rúa Toledo, entre Mestre Soutullo e Leandro Alonso Martínez. O Concello adica a este mellora case 200.000 euros, que resolverá "serios problemas" existentes no abastecemento e no saneamento e un estreitamento da rúa.
xoves, 19 feb 2015
O alcalde de Vigo inspeccionou hoxe xoves o estado dos traballos de mellora dos máis de tres quilómetros do vial, desde a Estrada de Camposancos ata Leonardo Alonso, "mostra da nosa acción no rural". Acompañado, entre outros, polo concelleiro de Fomento, David Regades, Abel Caballero explicou que ademais de asfaltar toda a rúa, renovouse a sinalización horizontal.
mércores, 18 feb 2015
O goberno local ten en marcha a mellora de Alonso Ojeda cun orzamento de 240.000 euros, obra que finalizará "en mes, mes e medio", estimou Caballero. Esta mañá o alcalde supervisou o estado dos traballos, acompañado polo concelleiro de Fomento, David Regades, e o edil de Promoción Económica e Emprego, Santos Héctor Rodríguez.
martes, 17 feb 2015
Caballero avanzou este martes, durante unha visita aos traballos de reforma, que a humanización en marcha en Rosalía de Castro concluirá en "maio ou xuño". Cun investimento de 2 millóns de euros, o vial mellorará o tráfico con dúas novas rotondas nos cruces con Oporto e Canceleiro, renovará case 2,5 quilómetros de canalizacións e sumará novo arborado e xardineiras.
xoves, 12 feb 2015
Abel Caballero avanzou este xoves que o comezo dos traballos de reforma de Aragón (entre Padre Celso e a Travesía de Vigo) e das primeiras fases das rúas Gerona e Gregorio Espino terá lugar a próxima semana. O alcalde informou ademais da próxima instalación de máis elementos en parques infantís e biosaudables.
martes, 10 feb 2015
As obras de mellora de Doctor Canoa, cun orzamento de preto de 250.000, estarán rematadas nun prazo de 4 meses. Segundo explicou esta mañá o rexedor nunha visita a estes traballos, na actualidade hai máis de 80 humanizacións en marcha por toda a cidade.
venres, 6 feb 2015
O alcalde visitou este venres a rúa Brasil, que finalizou recentemente a súa humanización cun investimento total de 2 millóns de euros a cargo do Concello de Vigo. O goberno da cidade, explicou Caballero, ultima a tramitación administrativa para comezar "a próxima semana" os traballos de mellora de María Berdiales, Gregorio Espino, Gerona e a terceira fase da rúa Aragón.
luns, 2 feb 2015
O alcalde, xunto a varios integrantes do seu goberno, visitou este luns o Parque Central, onde o artista Nelson Villalobos traballa no gran mural que o Concello instalará na futura praza de Martínez Garrido, situada entre os camiños de Medeiro e Sobreiro. Ademais, Caballero revelou que o novo espazo homenaxeará cun busto ao rexedor que da nome á Avenida, fusilado en 1936 polo franquismo.