Abel Caballero anunciou que co inicio de curso educativo tamén dá comezo o plan de tráfico para os colexios, con sinalización específica e prazas de aparcamento reservadas para deixar e recoller aos escolares, nos horarios de entrada e saída. O plan, testado no mes de xuño, ponse en marcha en setembro en 21 colexios e paulatinamente irán incorporándose o resto de centros.
O alcalde visitou esta mañá as instalacións do parque de bombeiros en Teis logo do remate das obras de mellora e ampliación nas que se investiron 1.364.000 euros, principalmente destinados ao sistema operativo dos vehículos e á adaptación da zona de descanso e vivencia ás necesidades do persoal.
O alcalde fixo este mércores un primeiro balance do novo deseño de liñas de autobús urbano ao hospital de Beade, cinco rutas -dúas específicas e tres ampliacións de existentes- que comezaron a operar o luns cuns mil usuarios diarios e cumprimento das frecuencias e puntualidade ao 100%. Co planteamento municipal, os usuarios contan na Praza de América cun bus ao centro sanitario cada 15 minutos.
O alcalde entregou esta mañá un camión de bombeiros ao rexedor de Ponteareas, Xosé Represas, no Parque Central de Santa Cristina. Este vehículo será substituído por outro camión dotado coa última tecnoloxía para o que o goberno local xa autorizou un gasto de 382.000 euros.
Desde a Praza de América sairán autobuses cara ao novo hospital cun intervalo de 15 minutos, coa remodelación do transporte público que ven de acometer o Concello para dar servizo ao novo hospital. Son catro as novas conexións que o goberno local implementou e que, tal e como explicou o rexedor, serán revisadas dentro de seis meses para estudar a evolución do transporte e realizar cambios, se fora preciso.
A liña N3 do transporte urbano de Vigo, que estará operativa ata o próximo 5 de setembro, arranca hoxe e funcionará as noites dos venres e sábados cunha frecuencia de 60 minutos.
A partir do 6 de xullo funcionará unha lanzadeira desde a Praza de América ata o o novo hospital cunha frecuencia de 30 minutos. Este servizo estará operativo ata o 24 de agosto, cando comezará a hospitalización no Álvaro Cunqueiro no e, polo tanto, arrancará o sistema de transporte definitivo.
Caballero indicou que a experiencia piloto levada adiante en xuño en 13 colexios "deu moi bo resultado", polo que os plans de tráfico específicos se incorporarán ao resto de centros públicos e concertados de Vigo ao longo de setembro, de forma progresiva, para garantir a presenza de efectivos policiais de apoio durante os primeiros días.
O rexedor advertiu esta mañá de que só se autorizarán as fogueiras que previamente sexan revisadas polo servizo municipal de bombeiros. Tal e como explicou efectivos inspeccionarán entre hoxe luns e mañá as 19 solicitudes presentadas.
O goberno de Vigo continúa coa implantación dos plans de tráfico específicos para colexios, que pasan pola reserva de prazas de estacionamentos nas horas de entrada e saída do alumnado e polo reforzo da sinalización. Aos catro que comezaron a pasada semana, o Concello suma desde hoxe outros nove colexios máis.