martes, 31 mar 2015
Tras unha reunión este martes con colectivos de motoristas, Abel Caballero indicou que o goberno de Vigo xa comezou a renovación dos gardarraís da estrada da Vía e traballa no contrato para cambiar 12 quilómetros máis en distintos viais da cidade. Despois das medidas adoptadas polo Concello, tres asociacións de moteiros de ámbito estatal declararon a Vigo como a urbe máis segura de España para as motos.
martes, 24 mar 2015
Carlos Font fixo este martes un pequeno balance do traballo da Concellería de Seguridade e Mobilidade durante o pasado ano, entre o que destacou a creación de 234 prazas de estacionamento xeral e outras 93 máis reservadas a persoas con mobilidade reducida. O concelleiro anunciou ademais unha nova app de tráfico para definir o mellor percorrido e o tempo de duración deste.
xoves, 19 mar 2015
Abel Caballero avanzou esta mañá que a partir do 1 de xuño o Concello porá en marcha un plan de tráfico experimental en doce centros escolares da cidade. O obxectivo é sacar conclusións para elaborar un plan de tráfico defintivo para as entradas e saídas de todos os centros escolares de Vigo de cara ao curso que ven.
mércores, 18 mar 2015
O rexedor avanzou unha "importante" reunión que vai lugar mañá xoves na Alcaldía con 15 colexios para elaborar un plan de tráfico nas horas de entrada e saída dos centros escolares. Tal e como explicou, o Concello quere avanzar nun deseño da circulación que facilite o acceso aos miles de nenos e nenas e as súas familias que a diario acuden aos centros educativos.
mércores, 11 mar 2015
Caballero manterá esta tarde un encontro con responsables da asociación ERTICO que proporán a Vigo sumarse a este organismo, con sede en Bruxelas, especializado en sistemas de transporte intelixente. Vigo xa é cidade piloto de dous dos seus proxectos de smart cities: o Compass4D e o CO-GISTICS.
mércores, 18 feb 2015
O alcalde de Vigo valorou satisfactoriamente as melloras introducidas no servizo de autobús urbano á Cidade Universitaria, que comezaron a operar este mércores. Desde hoxe, as lanzadeiras U1 e U2 amplian os seus percorridos, con tres novas viaxes á primeira hora desde Bouzas, Navia e Teis, e a creación de dúas novas paradas na Gran Vía.
martes, 17 feb 2015
O alcalde mantivo esta mañá unha reunión con responsables de Conxemar, na que tamén estiveron presentes o concelleiro de Tráfico, Carlos López Font e o xefe da Policia Local, Francisco Martínez. Durante o encontro, explicou o rexedor, deseñaron un plan de tráfico e melloras en infraestruturas para que a maior feira internacional do conxelado volva ser un éxito o próximo mes de outubro.
martes, 10 feb 2015
O alcalde de Vigo anunciou este martes melloras no servizo de autobús urbano á Cidade Universitaria. As liñas U1 e U2 amplían os seus percorridosa partir do próximo 18 de febreiro, con tres novas viaxes á primeira hora da mañá e a creación de dúas novas paradas en Gran Vía. Segundo indicou Caballero, repartiranse 2.000 folletos informativos.
xoves, 5 feb 2015
Abel Caballero salientou hoxe xoves que Vigo concluiu o 2014 cun total de 621 prazas de aparcamento para persoas con mobilidade reducida, cando no 2006 eran 120. O alcalde recordou que o Concello atende todas as solicitudes recibidas e indicou que Vigo supera amplamente o ratio que establece a normativa.
xoves, 29 xan 2015
O goberno de Vigo puxo en funcionamento na rúa Venezuela, na confluencia coa Gran Vía, o primeiro carril propio para motos, un proxecto piloto para pasar entre os coches á zona adiantada cando estea o semáforo vermello. Caballero salientou que polo de agora está a funcionar ben e avanzou que se estudan novas ubicacións onde instalalo.