martes, 20 xan 2015
O alcalde revisou esta mañá as obras de remodelación "absoluta" do Parque de Bombeiros de Teis que rematarán no mes de febreiro. Cun orzamento de 1,3 millóns o goberno local acometeu traballos de mellora moi necesarios nunha instalación que levaba sen obras desde a súa inauguración, en setembro de 1987.
venres, 9 xan 2015
Os conductores poden obter información da fluidez do tráfico en tempo real a través de 8 paneis colocados en zonas estratéxicas da cidade. Este "revolucionario" sistema ten sensores de bluetooth que detectan as velocidades dos vehículos de xeito que os conductores poden elexir a mellor alternativa para chegar ao seu destino.
martes, 16 dec 2014
A Policía Local dirixiu este ano 198 traslados de transportes especiais na cidade, o que supón un repunte respecto dos dous anos anteriores cando as cifras diminuían. Segundo explicou Carlos López Font, o Concello facilita ao máximo estes traslados en beneficio das ampresas e da economía de Vigo e da súa área de influencia.
mércores, 10 dec 2014
Cada panel informativo, ubicados en puntos estratéxicos da cidade, ofrecerá información a tempo real indicando a duración estimada e a fluidez do tráfico en tres rutas. O goberno de Vigo informará sobre posibles obras, accidentes ou manifestacións que poidan afectar á circulación. Vigo será a primeira urbe española en proporcionar tal grado de información do tráfico en tempo real, segundo salientou o concelleiro de Seguridade e Mobilidade, Carlos Font.
venres, 28 nov 2014
As liñas C1 e C2 de Vitrasa incrementarán as súas frecuencias durante o periodo de Nadal. Así o avanzou hoxe venres o rexedor nunha rolda de prensa na que non descartou que esta ampliación se consolide.
mércores, 26 nov 2014
O Concello ampliou a 67 os semáforos dotados cun sistema bluetooth que se activa desde o teléfono do invidente de xeito que o sinal acústico se activa ao paso do usuario. Deste xeito, o volume do sinal pode ser o óptimo para a seguridade do peón, ademais de evitarse as molestias que xeraban aos veciños da zona os ruídos dos semáforos acústicos convencionais.
mércores, 26 nov 2014
O Concello instalará elementos de protección ao longo de máis de 4 quilómetros en estradas de ámbito municipal, incluíndo 1.400 metros lineais de novas barreiras. Hoxe mércores, o alcalde trasladou o informe municipal a asociacións de motoristas e solicitará á Deputación, Xunta e Estado que doten de seguridade estradas da súa competencia na cidade.
venres, 21 nov 2014
O alcalde de Vigo participou este venres no acto de inauguración do monumento, emprazado á altura do coñecido como "balcón de Aragón", unha das accións promovidas con motivo do Día Mundial en Recordo ás Vítimas de Accidentes de Tráfico que ten lugar o terceiro domingo de novembro.
venres, 21 nov 2014
O alcalde avanzou este venres que a próxima semana se reunirá con asociacións de motoristas para pasar revisión a todos os gardarraís da cidade que supoñen un risco para a integridade física dos motoristas en caso de caída. Caballero asegurou que "imos por salvagardarraís en todos os viais da cidade de competencia municipal" para que "Vigo quede libre de gardarraís asasinos".
xoves, 20 nov 2014
As solicitudes de información rexistradas na emisora central da Policía Local no que vai de 2014 son 6.284, fronte as 1.781 que se recolleron en todo 2013. Así o explicou o concelleiro de Seguridade, Carlos López Font, nunha rolda de prensa na que tamén precisou que a media diaria de requerimentos telefónicos dos cidadáns é de 114.