Do 8 ao 29 de novembro, o goberno de Vigo e a Agrupación de Centros Deportivos e Culturais organizan a undécima edición dun evento que achega ás parroquias o traballo dos grupos de teatro afeccionado da cidade. Na presentación este vernes do Certame, a concelleira de Festas, Laura Iglesias, salientou o "éxito de público e participación" das distintas edicións celebradas.
O Concello de Vigo organizará na Porta do Sol o próximo sábado, 31 de outubro, obradoiros infantís do Samaín 2015. Nestes tres obradoiros, os nenos e nenas poderán vaciar e decorar cabazas, caracterizarse de personaxes do Samaín ou realizar móbiles de pantasmas. As actividades comezarán ás 17,30 h, e alongaránse dúas horas.
A recreación do pasado romano da cidade celébrase esta fin de semana do 12 e 13 de setembro cunha festa organizada pola Asociación de Comerciantes de Navia. Abel Caballero presentou este mércores a cuarta edición do evento, que conta co patrocinio do Concello, e no que haberá novidades como a aparición dos castrexos nun programa renovado e cun emprazamento distinto que quere "facer festa e facer cultura".
O ciclo de animación infantil por barrios do programa de Vigo en Festas iniciase hoxe luns no cruce de Colón/Urzaiz ( farola) de 18 a 21 horas. Esta semana tamén haberá concertos das bandas de música na Praza da Princesa ás 20.00 horas.
As Festas de Vigo ofrecen esta fin de semana múltiples actividades coa celebración do concerto de Julieta Venegas, o Marisquiño, a Noite Branca, ou a festa do Polbo.
O Festival Arnette-O Marisquiño volve a Vigo entre o 7, 8 e 9 de agosto na súa edición máis tecnolóxica, caracterizada por unha aposta pola emisión das súas probas a todo o mundo a través de Internet e pola estrea dunha aplicación móbil que permitirá un seguimento detallado das evolucións dos deportistas. No seu 15º aniversario, o AOM rende homenaxe ao skate, a súa especialidade orixinal, e á cidade de Vigo, que acolle o festival desde a súa creación en 2001. A ampliación da oferta musical, que se iniciará o mesmo venres cun escenario integrado nas festas locais, é outra das grandes novidades para este 2015.
O ciclo Cativos Musicais levará á Auditorio de Castrelos os espectáculos Toy Musical ( martes, 4); La Banda de Mireia ( mércores, 5) e El Rey de la Sabana ( xoves, 6). Todos os espectáculo son gratuítos e comezarán ás 20.00 horas.
O grupo musical madrileño Los Enemigos actuarán o sábado 1 de agosto dentro do programa de Festas en Vigo 2015. Unha hora antes, ás 22.30 horas, será o momento das teloneiras, nesta ocasión Agoraphobia, unha banda galega de garaxe indie rock composta íntegramente por mulleres.
O alcalde achegouse esta mañá ao Auditorio Mar de Vigo para darlle a benvida ao músico británico Eric Burdon, que ofrecerá esta noite o único concerto en España. En declaracións aos medios, Caballero amosou a súa "admiración" por este cantante de blues, rhythm&blues e rock, membro fundador e vocalista de The Animals, banda coa que acadou o éxito na década dos sesenta.
A Coral Casa Blanca ofrece o venres, día 31, un concerto no auditorio de Castrelos ás 23 horas, con entrada libre. A Coral está dirixida por Oscar Villar e arranxos orquestrais de Marcos Valcarcel.